Дар нимсолаи аввали соли равон шумораи занон дар хизмати давлатии шаҳрвандӣ 4682 нафарро ташкил медиҳад. Ин адад нисбат ба ҳамин давраи соли қабл 24 нафар зиёд шудааст.

Дар ин бора директори Агентии хизмати давлатии назди Президенти Ҷумҳурии Тоҷикистон Идрисзода Илёс 21 июл зимни нишасти хабарӣ иттилоъ дод.

Ӯ ҳамчунин афзуд, ки аз 6098 нафар ишғолкунандагони мансабҳои роҳбарикунанда 1159 нафари он занони роҳбар мебошанд.

- Аз шумораи хизматчиёни давлатие, ки дар нимсолаи якуми соли 2025 ба синни ниҳоии хизмати давлатӣ расидаанд 28 нафарро занон ташкил дода, аз онҳо 2 нафар хизматчии давлатӣ бо тамдиди муҳлат фаъолият доранд,- таъкид дошт Идрисзода Илёс.

Ҳамзамон зикр гардид, ки дар ин давра ба 4940 мансаби холии маъмурии хизмати давлатӣ озмун эълон гардид, ки зимни он 456 зан барои ишғоли мансабҳо тавсия дода шуданд.

Сайёраи ҚИЁМИДДИН, “ҶТ”