СИЁСАТ
Шанбе 22 Июн 2024 12:17
10155
Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустам Эмомалӣ бо Пешвои миллии халқи туркман, Раиси Халқ маслаҳатии Туркманистон муҳтарам Гурбонгулӣ Бердимуҳамедов мулоқот намуданд.

Дар ин бора шабакаи телеграмии шаҳрдори Душанбе хабар дод.

Дар мулоқот ҷонибҳо оид ба рушди ҳамкориҳои иқтисодиву тиҷоратӣ, фарҳангиву гуманитарӣ, робитаҳои байнипарламентӣ ва дигар масъалаҳои муҳим мубодилаи афкор намуданд.

Чигунае, ки қаблан хабарн дода будем, дар доираи сафари Пешвои миллии халқи туркман, Раиси Халқ маслаҳатии Туркманистон муҳтарам Гурбонгулӣ Бердимуҳамедов мулоқоту музокироти сатҳи баланди давлатӣ байни Ҷумҳурии Тоҷикистон ва Туркманистон пешбинӣ гардида, доираи васеи ҳамкории дуҷониба баррасӣ мешавад. Ва пас пас аз мулоқоту музокироти сатҳи баланд байни Тоҷикистон ва Туркманистон якчанд санади нави ҳамкорӣ ба имзо расонида хоҳанд шуд.

Ёдовар мешавем, ки имрӯз Раиси Халқ маслаҳатии Туркманистон муҳтарам Гурбонгулӣ Бердимуҳамедов бо Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода, Сарвазири Ҷумҳурии Тоҷикистон Қоҳир Раслузода мулоқот намуда, дар барномаи муштараки консертии устодони санъати Ҷумҳурии Тоҷикистон ва Туркманистон – “Шоми дӯстӣ” иштирок менамояд.

Эзоҳи худро нависед



Рамзҳо дар расм