Покистон барои тайёр намудани мутахассисони худ дар соҳаи тандурустӣ ба Донишгоҳи давлатии тиббии Тоҷикистон ба номи Абӯалӣ ибни Сино баҳои баланд медиҳад.

Ин нуқта 10 январ зимни мулоқоти ректори Донишгоҳи давлатии тиббии Тоҷикистон ба номи Абӯалӣ ибни Сино Маҳмадшоҳ Гулзода бо сафири фавқулода ва мухтори Покистон дар Тоҷикистон Имрон Ҳайдар зикр гардид.

Имрон Ҳайдар иброз дошт, ки шаҳрвандони Покистон барои таҳсил дар Донишгоҳи давлатии тиббии Тоҷикистон ба номи Абуалӣ ибни Сино ҳавасманданд. Ӯ гуфт: “Таваҷҷуҳи шаҳрвандони Покистон ҷиҳати таҳсил дар ин донишгоҳи тиббӣ сол аз сол меафзояд”.

 Рустам ОДИНАЕВ, “ҶТ”