21 май Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустам Эмомалӣ дар шаҳри Ню-Йорки Иёлоти Муттаҳидаи Америка бо Дабири кулли Созмони Милали Муттаҳид Антонио Гутерриш мулоқот намуданд.

Тавре аз дафтари матботи Раиси Маҷлиси миллии Тоҷикистон хабар доданд, ин мулоқот дар доираи таҷлили “Рӯзи ҷаҳонии футбол” дар Маҷмаи Умумии Созмони Милали Муттаҳид ба вуқуъ пайваста, дар рафти мулоқот масъалаҳои ҳамкории Тоҷикистону Созмони Милали Муттаҳид мавриди баррасӣ қарор гирифтааст.

Ёдовар мешавем, ки Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератси футболи Тоҷикистон, Президенти Ассотсиатсияи футболи Осиёи Марказӣ (CAFA), муҳтарам Рустам Эмомалӣ бо мақсади иштирок аз таҷлили “Рӯзи ҷаҳонии футбол” дар Маҷмаи Умумии Созмони Милали Муттаҳид рӯзи 20 май ба шаҳри Ню-Йорки Иёлоти Муттаҳидаи Америка сафар карда буданд.