8 май Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ бо бардоштани пардаи рамзӣ “Муҷассамаи ғалаба”-ро баъди интиқоли он ба боғи Ғалаба ва навсозиаш ифтитоҳ намуданд.

Дар ин бора Хадамоти матбуоти президенти кишвар иттилоъ дода, зикр мекунад, ки дар ин маросим ҳамчунин ҳайати расмии Федератсияи Русия бо роҳбарии муовини раиси Думаи давлатии Маҷлиси федералии Федератсияи Русия Кара-Оол Шолбан низ иштирок намуд.

Ёдовар мешавем Танке, ки акнун дар “Муҷассамаи ғалаба” гузошта шудааст, чанде қабл бо сабаби бунёди роҳи дуқабата дар ин макони пештара ба “Боғи Ғалаба” интиқол дода шуд.

“Боғи Ғалаба”-и пойтахт Соли 1975 ба муносибати 40-солагии Ғалаба ба Олмони фашистӣ бунёд шуда, ҳамаи тадбирҳое, ки дар ин боғ аз тарафи Мақомоти иҷроияи ҳокимияти давлатии шаҳри Душанбе амалӣ мегардад, ба хотири пос доштани ёди қурбониёни ҷанг мебошад.