Никола Стошич, собиқ дарвозабони сербтабори бошгоҳи “Истиқлол” пас аз чор сол дубора ба дастаи хеш баргашт. Дар ин бора дафтари матбуотии бошгоҳи “Истиқлол”-и шаҳри Душанбе хабар додааст.

Дар равзанаи кунунии гузариши тобистона “Истиқлол” аввалин трансферро ба анҷом расонд. Дарвозабон Никола Стошич, ки қаблан дар солҳои 2013-2020 дар ҳайати “Истиқлол” ҳунарнамоӣ мекард, ба даста баргашт.

Муҳлати созишномаи меҳнатӣ бо Никола ду солро дар бар мегирад. Стошич дар рӯзи аввали ҷамъомади таълимӣ дар Минск ба “Истиқлол” ҳамроҳ шуд ва дар аввалин тамрини даста иштирок кард.

Ёдовар мешавем, ки Стошич ҷойгузини Рустам Ятимов дар ҳайати “Истиқлол” гардид. Ятимов чанде пеш аз “Истиқлол” ба “Ростов”-и Русия гузариш карда буд.

Яҳё МАҲМАДНАБИЕВ, “ҶТ”