Бо дарназардошти вазъи мураккаби ҷаҳони имрӯз коршиносони Маркази тадқиқоти стратегии назди Президенти Ҷумҳурии Тоҷикистон зимни пажӯҳишҳояшон ва таҳияи гузоришҳои таҳлилӣ ва иттилоотию машваратӣ, ташкил ва баргузории ҳамоишҳои илмӣ-амалӣ таваҷҷуҳи асосиро ба таъсири ин равандҳо ба ҳаёти ҷомеаи Тоҷикистон равона намуданд.

Ин нуқтаро 7 феврал Хайриддин Усмонзода, директори Маркази тадқиқоти стратегии назди Президенти Ҷумҳурии Тоҷикистон баён кард.

Ҳамчунин таъкид карда шуд, ки дар таҷрибаи Марказ бори аввал оғоз аз соли 2023 ҳамасола гузориш доир ба таҳдиду хавфҳои эҳтимолӣ ба Тоҷикистон бо пешниҳоди маҷмуи чорабиниҳои имконпазир таҳия ва ба Дастгоҳи иҷроияи Президенти Ҷумҳурии Тоҷикистон, Ҳукумати Ҷумҳурии Тоҷикистон ирсол мегардад.

Таҳия ва пешниҳоди гузоришҳои таҳлилӣ ва иттилоотию таҳлилӣ низ ҷузъи муҳими фаъолияти кормандони Марказро ташкил медиҳад. Аз ин рӯ, дар доираи баргузории корҳои илмию таҳқиқотӣ кормандони МТС пешниҳодҳо, гузоришҳои таҳлилӣ ва иттилоотию таҳлилӣ барои Дастгоҳи иҷроияи Президенти Ҷумҳурии Тоҷикистон, Ҳукумати Ҷумҳурии Тоҷикистон, Шурои амният омода намуда, ирсол намуданд. –гуфт дар идома директори МТС.

Наҷиба МУРОДБЕКОВА, "ҶТ"