БА ИСТИҚБОЛИ ҶАШНИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН

22 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо мақсади шиносоӣ бо вазъи зиндагии мардум, рафти корҳои ободонию созандагӣ, ифтитоҳи як қатор иншооти муҳим ва мулоқоту суҳбат бо сокинон ба ноҳияи Восеи вилояти Хатлон ташриф оварданд.

Зимни он Пешвои миллат дар ноҳияи Восеъ дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон якчанд иншоотро мавриди истифода қарор доданд, ки якчандтои онро ба таври зайл дар поён меорем:

- Варзишгоҳи марказии ноҳияи Восеъ;

- Ифтитоҳи Маркази ташхисии Тибби Ҳулбук;

- Муаррифии лоиҳаи бунёди Маҷмааи тандурустӣ-табобатӣ дар ноҳияи Восеъ;

- Ифтитоҳи Маркази касбомӯзӣ ва хизматрасонӣ ва Муаррифии лоиҳаи бунёди бинои чорошёнаи шуъбаи маорифи ноҳияи Восеъ;

- Ифтитоҳи фосилавии 2 муассисаи таҳсилоти миёнаи умумӣ, 1 кӯдакистон, маркази хизматрасонӣ, забономӯзӣ, толори варзишӣ ва корхонаи истеҳсоли хишти ҶДММ Хишти Ҳулбук дар ноҳияи Восеъ;

- Ба истифода додани корхонаи дӯзандагӣ ва маркази хизматрасонии Дурдонаи ноҳияи Восеъ;

- Ба истифода додани маҷмааи варзишии ба номи “Лолахон Қаҳҳоров”;

- Ба истифода додани 12 километр роҳи бо саҳми сокинон ва соҳибкорон мумфаршу чароғонгардида дар ноҳияи Восеъ.