Академияи миллии илмҳои Тоҷикистон соли гузашта беш аз 30 санад бо 10 давлати хориҷӣ ба имзо расонидааст. Дар ин бора, имрӯз - 5 феврал Қобилҷон Хушвахтзода, президенти Академияи миллии илмҳои Тоҷикистон, узви вобастаи АМИТ зимни нишасти матбуотӣ иттилоъ дод.

Ӯ гуфт, ки аз ин шумора 5 адад созишномаи ҳамкорӣ, 5 адад шартномаи ҳамкорӣ ва 20 ададро ёддошти тафоҳум ташкил медиҳад. Ба гуфтаи ӯ дар соли ҳисоботӣ 568 олиму муҳаққиқ ва коршиносони хориҷӣ ба АМИТ ҷиҳати иштирок дар чорабиниҳои илмӣ, гузаронидани таҳқиқоти муштарак ва таҳсил даъват карда шудаанд.

Инчунин, Қобилҷон Хушвахтзода дар идома зикр намуд, ки соли 2025 313 нафар кормандони АМИТ бо сафари хизматӣ барои коромӯзӣ, иштирок дар конференсияҳои илмӣ, симпозиумҳо, семинарҳо, форумҳо, хондани лексияҳо ва ҳамчунин гузаронидани таҳқиқоти муштараки илмӣ ба сафарҳои хизматӣ ба давлатҳои хориҷӣ фиристода шуданд.

Гулафшон КАРИМОВА, “ҶТ”