Дар вилояти Хатлон 2762 биною иншоот ба маблағи умумии 2,6 миллиард сомонӣ мавриди истифода қарор дода шудааст, ки 44,1 фоизи нақшаи умумиро ташкил медиҳад.

Дар ин бора Хадамоти матбуоти раиси вилояти Хатлон иттилоъ медиҳад.

Бино ба иттилои манбаъ, давоми солҳои 2023-2024 дар шаҳру ноҳияҳои вилоят, дар маҷмуъ, 21 иншооти соҳаи маориф иборат аз 122 синфхона барои 3050 ҷойи нишаст дар як баст (дар ду баст 6100) мавриди истифода қарор дода шуд.

Гуфта мешавад, ки айни замон дар 189 муассисаи таҳсилоти миёнаи умумӣ сохтмони иншооти соҳаи маорифи вилояти Хатлон иборат аз 1303 синфхона барои 31 ҳазору 272 ҷойи нишаст идома дорад.