Дар шашмоҳаи аввали соли равон барои ҳимояи диссертатсияҳо 424 парванда тасдиқ шудааст. Ин шумора нисбат ба ҳамин давраи соли гузашта 169 адад бештар мебошад.

Дар ин бора 5 август Сайфиддин Давлатзода, раиси Комиссияи олии аттестатсионии назди Президенти Ҷумҳурии Тоҷикистон зимни нишасти хабарӣ иттилоъ дод.

- Аз ин шумора 40 парванда барои дарёфти дараҷаи илмии доктори илм, 327 парванда барои дарёфти дараҷаи илмии номзади илм ва 57 парванда барои дарёфти дараҷаи илмии доктори фалсафа (PhD) - доктор аз рӯйи ихтисос мебошад, - гуфт Давлатзода.

Ҳамчунин зикр шуд, ки дар ин давра аз тарафи муассисаҳои илмӣ ва таҳсилоти олии касбии ҷумҳурӣ ҳамагӣ 122 дархост барои дарёфти унвони илмӣ ворид шудааст. Аз ин шумора 16 дархост барои дарёфти унвони илмии профессор ворид шудааст, ки дар баррасӣ қарор дорад.