Айни замон дар 66 муассисаи таҳсилоти ибтидоии касбӣ аз рӯйи 14 самт ва 300 касбу ихтисос кадрҳо омода мекунанд, ки дар қиёс ба ҳамин давраи соли гузашта 165 касбу ихтисос зиёд мебошад.

Роҷеъ ба ин Фарҳод Раҳимӣ, раиси Кумита оид ба таҳсилоти ибтидоӣ ва миёнаи касбӣ 30 июл зимни нишасти матбуотӣ иттилоъ дод.

Гуфта шуд, инчунин дар нимсолаи якуми соли 2025 курсҳои кӯтоҳмуддати касбомӯзиро 5 ҳазору 389 нафар хатм намудаанд, ки аз ин 1007 нафарашонро бонувон ташкил медиҳанд.

Дар идома таъкид шуд, ки вазъи таъминоти кадрии муассисаҳои таълимии таҳсилоти ибтидоӣ хеле хуб ба роҳ монда шуда, имрӯз муассисаҳо бо 1578 омӯзгор фаъолият мекунанд.

У. ҚУТБИДДИНЗОДА, “ҶТ”