Донишгоҳи технологии Тоҷикистон дар тӯли фаъолияти хеш то имрӯз, 13 ҳазору 517 мутахассисро аз рӯи ихтисосҳои гуногун омода кардаааст. Аз ин шумора 596 нафарашон донишгоҳро бо дипломи аъло хатм намуда, дар соҳаҳои мухталиф фаъолият доранд.

Ин нуктаро Илҳом Амонзода, ректори Донишгоҳи технологии Тоҷикистон имрӯз зимни нишасти хабарӣ ба рӯзноманигорон баён дошт.

Илҳом Темур, ректори ДТТ дар нишасти матбуотии худ зимнан қайд намуданд, ки соли 2020 новобаста аз вазъити баамаломада, дастоварҳои донишгоҳ назаррас мебошанд. Аз ҷумла соли сипаригардида бо қарори Шӯрои аккредитатсионии Агентии мустақили рейтинг ва аккредитатсияи Ҷумҳурии Қазоқистон аз 28 феврали соли 2020, №49 ду барномаи таълимии донишгоҳ ба муҳлати 5 сол ва 1 барномаи таълимӣ ба муҳлати 3 сол соҳиби Шаҳодатномаи байналмилалии аккредитатсияи барномавӣ гардиданд.

Доир ба таваҷҷӯҳи донишҷӯёни хориҷӣ ба донишгоҳ ва шумораи умумии таҳсилкунандагон қайд намуд, ки айни замон дар донишгоҳи технологӣ 6281 нафар донишҷӯён ба таълим фаро гирифта шудаанд, ки аз ин шумора 109 нафарашонро шаҳрвандони хориҷӣ ташкил медиҳад.

Ӯ доир ба фаъолият ва ҳамкориҳои байналмилаии донишгоҳ афзуд, ки ДТТ дар соли сипаришуда бо 13 муассисаҳои таҳсилоти олии касбӣ, созмону ширкатҳои хориҷӣ ҷиҳати ба роҳ мондани ҳамкориҳои байналмилалӣ шартнома ва созишномаҳо ба имзо расонидааст.

Қиёмиддин МАҲМАДҶОНОВ, “ҶТ”