Асрорзода Убайдулло Саттор, ректори Донишкадаи сайёҳӣ, соҳибкорӣ ва хизмат 11 феврал зимни нишасти матбуотӣ гуфт, ки соли 2020 шумораи омӯзгорон дар донишкада зиёд карда шуд, зеро соли гузашта шумораи донишҷӯён ва ихтисосҳо дар донишкада афзуд.

Номбурда дар идома гуфт, “давоми соли 2020 донишкада ҷиҳати таъмини низоми босифати таҳсилот силсилаи тадбирҳои нақшавӣ ва ҷориро амалӣ намуд, ки муҳимтаринашон бо мақсади омодасозии кадрҳои баландихтисоси ҷавобгӯ ба талаботи бозори меҳнат аз 1-уми августи соли 2020 дар донишкада факултети “Сайёҳӣ ва соҳибкорӣ” таъсис дода шуд.