КИТОБХОНА
Якшанбе 16 Июн 2024 05:35
9214
Бахшида ба 30 - солагии факултети журналистикаи Донишгоҳи миллии Тоҷикистон як маҷмуае бо номи “Омӯхтану афрӯхтан” ба табъ расид. Дар ин бора Бахтиёр Қутбиддин, декани факултети журналистика дар саҳифаи фейсбукии худ хабар дод.

Маҷмуа дар матбааи Донишгоҳ ба нашр расида, дар он мақолаҳои устодону донишомӯзон ва дастпарварони ин факултет гирдоварӣ шудааст, ки дар умум 31 хотираву ёддошту матлабҳои гуногунсамтро фаро мегирад.

Ба гуфтаи Бахтиёр Қутбиддин ин аввалин китоб дар таърихи факултет ба ҳисоб рафта, дар маҷмуъ рисолаи арзишмандест, ки нақши факултети журналистикаро ҳамчун ошёни парвози садҳо қаламкашони кишвари азизамон нишон медиҳад.

Китоб ба доираи васеи хонандагон пешниҳод шуда, мутолиаи он барои донишомӯзони ин ришта муҳим арзёбӣ мегардад.

Таҳмина ЮСУФӢ, “ҶТ”

Эзоҳи худро нависед



Рамзҳо дар расм