КИТОБХОНА
Якшанбе 16 Июн 2024 04:03
1403
Чанде пеш аз тариқи нашриёти “Бухоро” китоби пу¬блитсисти шинохтаи тоҷик Бахтиёр Муртазо бо номи “Нақби Истиқлол” бо теъдоди 500 нусха ба чоп расид. Асар дар шакли романи мустанад таълиф шуда, аз фаъолияти нақбканони ағбаи Анзоб, ки бо пешниҳоди Пешвои миллат “Нақби Истиқлол” ном гирифт, қисса мекунад.

“Нақби Истиқлол” дар ҳафт боб - Муҳориба бо юз, Меҳргони Зимарғ, Уқоби кӯҳӣ дастомӯз намешавад, Роҳ - фарҳанги диёр, Нанги ватандорӣ, Дасти дӯст ва Достони бародарӣ – ҷудо-ҷудо аз ҳаёти нақбканон нақл мекунад. Муаллиф барои дурусту мукаммал тасвир кардани нақби Истиқлол ва бунёдкунандагони он ба табиати ағбаи Анзоб, муҳити атрофи он ва роҳҳои мушкилгузар сафар карда, аз наздик шинос шудааст.

Ин аст, ки китобро мутолиа кар¬да, гумон мекунед, муаллиф онро якҷо бо нақбканон на¬виштааст, зеро нозукиву ҷузъиёти кори нақбканӣ дар асар хеле хуб баён мегардад. Бахтиёр Муртазо дар баробари нишон додани меҳнати душвори тоқатфарсо дар нақби Истиқлол, шаҳрвандонро ба ватандӯстию меҳанпарастӣ даъват менамояд. Дар асар Мафтун ва дӯстонаш Шералию Ҷобирбек образҳои тахаюлии романи ҳуҷҷатианд, ки ба¬рои обод кардани сохтмони роҳи кишвар камари ҳиммат бастаанд.

Маҳз дар симои Мафтун нависанда шахси обод кору созандаи Ватанро нишон додааст. “Нақби Истиқлол”-и Бахтиёр Муртазо ба хонанда кор кардан баҳри ободии Ва¬тан, садоқат, одамият ва меҳанпарастиро талқин мекунад.

Эзоҳи худро нависед



Рамзҳо дар расм