Китобҳо сеҳри беназири сайёр мебошанд.
                                                                             Стивен Кинг, адиби анлис


                                                 Тоҷиддин Ҷӯразода,
раиси Кумитаи рушди сайёҳии назди Ҳукумати Ҷумҳурии Тоҷикистон

Дар баробари кору фаъолият, доимо барои китобхонӣ кам ҳам бошад, фурсат ҷудо мекунам. Ростӣ китобхонӣ аз аввал шуғли дӯстдоштаи ман буд ва наметавонам худро аз он дур кунам. Айни ҳол ман китоби “Гулчини андешаҳои Пешвои миллат” -и Эмомалӣ Раҳмонро мутолиа мекунам. Дар китоби мазкур муаллиф иброз доштааст, ки мардуми соҳибфарҳанг ва адабпарвари мо аз қадим бо осори бадеӣ ва шахсиятҳои фарзонаи илму адаб, меҳру муҳаббати хоса изҳор мекунад. Шояд ин аз он сабаб аст, ки шахсиятҳои тавонои адабӣ дар ҳар давру замон бо камоли масъулият, дарду дармон, орзуҳои ширин, ишқу ҳиссиёти пурнаҷобат, талошу ҷоннисориҳои фарзандони муборизро барои ҳифзи ватан, шарафу номус, расму таомул ва марзу бум дар асарҳояшон зебову мондагор офарида, ба ин васила дар қалби мардум ифтихори ватандорию фарҳанги ҳифзи беҳтарин арзишҳои миллиро ҷо карданд. Боиси ифтихор аст, ки дар ҳар давру замон новобаста ба фоҷеаҳои мудҳиши рӯзгор дар осмони илму адаби тоҷик ситораҳои дурахшон пайдо шуда, бо ҷилои андешаҳои солим ин заковату офаридаҳои нав ба нав ба дили мардум нуру зиё бахшиданд.

Мутолиаи китоби мазкур ба ҳар хонанда илҳоми тоза мебахшад. Фикр мекунам, ки баъди хондани китоби “Гулчини андешаҳои Пешвои миллат” шахс аллакай ба китобхонӣ завқ пайдо мекунад.



Номи китоб: “Гулчини андешаҳои Пешвои миллат”
Муаллиф: Эмомалӣ Раҳмон
Нашриёт: “Фонди адабии Айнӣ”,
матбааи “Мега Принт”
Макон ва санаи нашр:
шаҳри Душанбе, соли 2020

Таҳияи Наҷиба МУРОДБЕКОВА, “ҶТ”