Дар Қасри фарҳанги ноҳияи Ванҷ даври ноҳиявии озмуни ҷумҳуриявии "Фурӯғи субҳи доноӣ... " гузаронида шуд. Он аз рӯи номинатсияҳои (чор номинатсия) аз ёд кардану хондани осори адибони классикии тоҷик, аз ёд кардану хондани осори адибони муосири тоҷик, аз ёд кардану хондани ашъори бачагона ва афсонаву ривоятҳои халқи тоҷик, аз ёд кардану хондани осори адабиёти ҷаҳон гузашт.

Мувофиқи қарори ҳайати ҳакамон дар номинатсияи якум (аз ёд кардану хондани осори адибони классикии тоҷик) ҷои аввалро Неъматов Абубакр зинаҳои дуюму сеюм насиби Мадинаи Аҳмадҷон ва Ғарибова Нисо шуданд.

Дар номинатсияи аз ёд кардану хондани осори адибони муосири тоҷик зинаи аввалро Зубайри Иброҳим соҳиб шуда, ҷойҳои дуюму сеюмро Насимаи Карамшо ва Мавҷудова Исминоз ишғол карданд.

Дар номинатсияи сеюм (аз ёд кардану хондани ашъори бачагона ва афсонаву ривоятҳои халқи тоҷик) бошад Сафаров Умар ҷойи якумро ба даст оварда, Сайхонаи Одилшо ва Исмоилова Осия сазовори зинаҳои дуюму сеюм гаштанд.

Ҳамин тавр, дар номинатсияи аз ёд кардану хондани осори адабиёти ҷаҳон Давлатов Барон ва Ҳамрозаи Илҳом ҷойҳои дуюму сеюм гирифта, зинаи аввал ва Шоҳҷоизаи озмунро (1000 сомонӣ мукофотпулӣ) Орипова Манижа соҳиб гашт.

Мавриди қайд аст, ки чорабинӣ бо ҳадафи иҷрои Амри Президенти Ҷумҳурии Тоҷикистон аз 9 феврали соли 2019 № АИ 1165 "Дар бораи баргузор намудани озмуни ҷумҳуриявӣ зери унвони "Фурӯғи субҳи доноӣ..." рӯи кор омада, ғолибон бо мукофотпулии Мақомоти ҳокимияти давлатии ноҳияи Ванҷ қадрдонӣ карда шуданд ва ба даври вилоятӣ роҳат гирифтанд.