Ба ифтихори ҷашни Истиқлолияти давлатии Ҷумҳурии Тоҷикистон ва “Солҳои рушди деҳот, сайёҳӣ ва ҳунарҳои мардумӣ” дар ҷамоати Қалъаи хумби ноҳияи Дарвоз озмуни “Ҳамнишине беҳ аз китоб махоҳ” доир гашт.

Тавре Хуршед Ғаффоров, корманди Бахши кор бо ҷавонон ва варзиши ноҳия иттилоъ дод, чорабинӣ бо иқдоми бахшу Шуъбаи фарҳанги ноҳия бо ҳадафи ҷалби бештари ҷавонону наврасон ба мутолиаи китоб, тақвият додани майлу рағбат ба эҷодиёт, тарбияи наслҳо дар руҳияи ватандӯстӣ, баланд бардоштани арзишҳои миллию умумбашарӣ гузаронида шудааст.

Бояд гуфт, ки дар озмун зиёда аз 50 нафар ҷавонону наврасони ҷамоат ширкат намуданд.