Имрӯз, Шералӣ Кабир, вазири саноат ва технологияҳои нави Ҷумҳурии Тоҷикистон дар нишасти хабарӣ иттилоъ дод, ки дар кишвар 3 ҳазору 849 корхонаи саноатӣ ба қайд гирифта шудааст. Ин нишондиҳанда нисбат ба ҳамин давраи соли гузашта 269 корхона зиёд мебошад.

Ба гуфтаи вазир, танҳо дар шаш моҳи соли равон дар қаламрави ҷумҳурӣ 218 корхонаи нави саноатӣ ба фаъолият оғоз намудаанд, ки боиси таъсиси 3 ҳазору 429 ҷойи нави корӣ гардид. Аз ин шумора, дар Вилояти Мухтори Кӯҳистони Бадахшон 45 корхона бо 135 ҷойи корӣ, вилояти Суғд 83 корхона бо 515 ҷойи корӣ, вилояти Хатлон 42 корхона бо 270 ҷойи корӣ, ноҳияҳои тобеи ҷумҳурӣ 23 корхона бо 103 ҷойи корӣ ва шаҳри Душанбе 25 корхона бо 151 ҷойи корӣ таъсис ёфтаанд.

Ҳамчунин, аз ҳисоби фаъолияти корхонаҳои нав дар ин давра зиёда аз 95,3 миллион сомонӣ маҳсулоти саноатӣ истеҳсол шудааст.

Гулафшон КАРИМОВА, "ҶТ"