Дар ин бора имрӯз - 23 июл Исфандиёр Саъдулло, сардори Хадамоти алоқаи назди Ҳукумати Ҷумҳурии Тоҷикистон зимни нишасти матбуотӣ хабар дод.

Ӯ ҳамчунин гуфт, ки дар Тоҷикистон суръати интернет баланд ва нархи он бошад паст шудааст.


Ба иттилои раиси Хадамот арзиши миёнаи интернет бо суръати 1 Мбит/с то 17,63 сомонӣ коҳиш ёфта, арзиши миёнаи 1 ГБ бастаи интернети мобилӣ 2,5 сомонӣ ё 0,25 доллари ИМА ташкил медиҳад.

“Ин раванд идома дорад: аз 15 июли соли ҷорӣ суръати ҳадди ақали интернет 15 Мбит/с мебошад ва то охири сол он ба 30 Мбит/с мерасад, дар тули се соли оянда ин нишондиҳанда то 100 Мбит/с зиёд мешавад”,- ваъда дод сардори Хадамоти алоқа.

Ба гуфтаи раиси Хадамоти алоқа, шумораи умумии истифодабарандагони интернети мобилӣ ва собит 5,1 миллион нафарро ташкил медиҳад, ки аз ин 4,9 миллион муштариёни интернети мобилӣ мебошанд.

Дар мачмуъ, интернет дар кишвар аз чониби 6 ширкати хизматрасони алоқаи мобилӣ ва 24 ширкати хизматрасониҳои алоқаи собит таъмин гардида истодааст, - зикр кард сардори Хадамот.

Малика МУҚАДДАМОВА, “ҶТ”