Бо мақсади таъмини арзёбии саривақтию сифатноки даромад ва хароҷоти буҷети давлатӣ истифодаи мақсадноку самаранокии маблағҳои буҷетӣ ва воситаҳои давлатӣ Палатаи ҳособ дар вазорату идораҳо, субектҳои хоҷагидорӣ ва дигар муассисаҳо 71 чорабинии аудиторӣ гузаронида, дар 14 147 ҳолат вайронкунии қоидаҳои молиявиро ба маблағи умумии 628,2 млн сомонӣ муайян намуд.

Вобаста ба ин имрӯз – 7 август Ҷамшед Каримзода, раиси Палатаи ҳисоби Ҷумҳурии Тоҷикистон зимни нишасти матбуотӣ иттилоъ дод.

Ҳамзамон зикр гардид, ки вайронкунии қоидаҳои молиявии хусусияти расмӣ дошта, дар 606 ҳолат ба маблағи 389,4 млн сомонӣ ва вайронкунии қоидаҳои нозоми молиявӣ дар 13 282 ҳолат ба маблағи 238, 8 сомонӣ муайян гардид.

Инчунин таъкид шуд, ки аз маблағи умумии вайронкунии низоми молиявии муаянгардида вобаста ба ташаккул ва иҷрои буҷети давлатӣ 114, 3 млн сомонӣ, пешбурди баҳисобгирии муҳосибӣ ва ҳисоботи молиявӣ 100,6 млн сомонӣ, идоракунии моликияти давлатӣ 9,5 млн сомонӣ ва дар соҳаи сохтмон 14,4 млн сомониро ташкил медиҳад.

М. МУҚАДАМОВА, “ҶТ”