Дар ин бора имрӯз 22 июл Давлатзода Нусратулло Муқим, раиси Кумитаи андози назди Ҳукумати Ҷумҳурии Тоҷикистон зимни нишасти хабарӣ иттилоъ дод.

- Дар натиҷаи тадбирҳои аз ҷониби мақомоти андоз андешидашуда, иҷрои нақшаи андозҳо ва дигар пардохтҳои ҳатмӣ дар нимсолаи якуми соли ҷорӣ ба андозаи 123,3% таъмин гардидааст, - иброз дошт ӯ.

Ҳамзамон илова кард, ки ба буҷети давлатӣ 17 млрд 402,5 млн сомонӣ ворид карда шудааст, ки нисбат ба нишондиҳандаҳои пешбинишуда 3 млрд 292,4 млн сомонӣ зиёд мебошад.

- Дар давраи ҳисоботӣ иҷрои нақшаи воридоти андозҳо ва пардохтҳо дар ВМКБ ба андозаи 100,2%, вилояти Хатлон - 103,0%, Суғд - 106,3%, шаҳри Душанбе - 126,7%, дар шаҳру ноҳияҳои тобеи ҷумҳурӣ дар маҷмӯъ - 109,4% ва Раёсати андози андозсупорандагони калон - 141,6% таъмин карда шуд, - илова намуд раиси Кумитаи андоз.

С. ИБОДЗОДА, "ҶТ"