Шумораи бекорон дар Тоҷикистон 12,1 фоиз коҳиш ёфтааст. Дар ин бора Ҷамшед Нурмаҳмадзода, директори Агентии омори назди Президенти Ҷумҳурии Тоҷикистон имрӯз 14 феврал зимни нишасти хабарӣ иттилоъ дод.

Ба гуфтаи ӯ шумораи нафароне, ки то охири моҳи ноябри соли 2023 дар агентиҳои меҳнат ва шуғли аҳолии Вазорати меҳнат, муҳоҷират ва шуғли аҳолии кишвар расман ба қайд гирифта шудаанд ба 49,4 ҳазор нафар мерасад, ки он нисбат ба шумораи кувваҳои корӣ 1,8 фоизро ташкил мекунад.

Ҳамчунин номбурда дар идома зикр намуд, ки аз шумораи бекорони ба қайд гирифташуда 47,2 фоиз ё 23,3 ҳазор нафарашро занон ташкил медиҳанд.

Рустам ОДИНАЕВ, "ҶТ"