ИҚТИСОД
Шанбе 13 Июл 2024 10:25
10342
Нашрияи “Боҷу хироҷ”-и Кумитаи андози назди Ҳукумати кишвар руйхати блогеронеро нашр кард, ки фаъолияти худро дар мақомоти андоз ба қайд нагирфитаанд. Шумори ин блогерони тоҷик ба 16 мерасад.

Тибқи навиштаи нашрияи мазкур дар руйхати таъсисдодаи мақомот то 1 майи соли равон шумораи онҳое, ки худро ҳамчун “андозсупорандае, ки тавассути шабакаҳои интернетӣ ба фаъолияти блогерӣ машғуланд”, ба қайд гирифтаанд 98 нафарро ташкил медиҳад.

Даромади умумии блогерон дар семоҳаи аввали соли 2024, дар маҷмуъ, 5,2 миллион сомонӣ ва маблағи андози ҳисобшудаи онҳо дар ин давра 489,8 ҳазор сомониро ташкил додааст- менависад “Боҷу хироҷ”.

Ҳамчунин, гуфта мешавад, ки Кумита пайваста ба чунин блогерон огоҳиномаҳо ирсол медорад, аммо бо вуҷуди ин онҳо ҳамоно ба фаъолияти соҳибкории ғайриқонунӣ машғуланд.
Ёдовар мешавем, ки ҳоло ҳар семоҳа блогерони тоҷик аз даромади ба Кумитаи андоз пешниҳоднамудаашон 7 фоиз андоз месупоранд.

Эзоҳи худро нависед



Рамзҳо дар расм