Кумитаи хоҷагии манзилию коммуналии назди Ҳукумати Ҷумҳурии Тоҷикистон дар соли 2025 ба маблағи зиёда аз 253 млн сомонӣ хизматрасониҳои гуногуни коммуналиро ба истифодабардагон дар шаҳру ноҳияҳо ва деҳоти ҷумҳурӣ расонидааст.

Дар ин бора имрӯз - 2 феврал Ҷамшед Табарзода, раиси Кумитаи хоҷагии манзилию коммуналӣ, зимни нишасти матбуотӣ иттилоъ дода, гуфт, ки ин шумора нисбат ба соли гузашта 9 млн 621,3 ҳазор сомонӣ зиёд буда, суръати афзоиши он 103,9 %-ро ташкил медиҳад.

Раиси Кумита иброз дошт, ки 7 млн нафар ва ё 67,3 фоиз аҳолии ҷумҳурӣ бо оби тозаи нӯшокии мутамарказонидашуда таъмин шудаанд, ки нисбат ба солҳои 2021, 950 ҳазор нафар зиёд мебошад.

Ҳамзамон ба гуфта ӯ, аз шумораи умумии дастрасии аҳолӣ бо оби нӯшокии ошомиданӣ дар маркази шаҳру ноҳияҳо 90,7 фоиз ва дар деҳот 57,8 фоизро ташкил медиҳанд.

Сафиаллоҳ ИБОДЗОДА , “ҶТ”