Имрӯз - 2 феврал дар нишасти Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон иттилоъ дода шуд, ки дар соли 2025 бо мусоидати мутахассисон корхонаи истеҳсоли маҳсулоти қаннодӣ - ҶДММ “Шоҳасар” ва меҳмонхонаи “Румӣ”-и шаҳри Душанбе барои иштирок дар озмун оид ба дарёфти Ҷоизаи Иттиҳоди Давлатҳои Мустақил дар самти “Дастовардҳо дар соҳаи сифат ва хизматрасонӣ” пешниҳод карда шуданд.

Ба таъкиди Мирзоён Раҳмоншо, муовини аввали директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон айни замон дархости корхонаҳои болозикр аз ҷониби Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ дар ҳоли баррасӣ қарор дошта, аз ҳарду марҳилаи озмун гузаштанд.

Ба гуфтаи масъулин натиҷаҳои озмун дар моҳи майи соли 2026 муайян мешавад ва онҳо ба ғолибияти ин корхонаҳо умед доранд.

Шаҳноза АЗИМОВА, коромӯзи “ҶТ”