Маркази матбуот ва иттилооти Вазорати кишоварзии Ҷумҳурии Тоҷикистон хабар додааст, ки ба ҳолати 30 августи соли ҷорӣ рафти кишти такрорӣ кишвар ҳудуди 103 фоизи нақша иҷро шудааст.

Тавре дар хабарномаи ин ниҳод омадааст, дар асоси маълумотҳои фаврӣ растанипарварӣ дар ҷумҳурӣ тибқи дурнамо дар ҳамаи шаклҳои хоҷагидорӣ 196 ҳазору 122 гектар кишти такрории зироатҳо ба нақша гирифта шуда буд.

“Ба ҳолати 30.08.2024 дар майдони 201 ҳозору 379 гектар кишти такрорӣ гузаронида шудааст, ки аз он 117075 гектар ғалладонагиҳо; аз ҷумла ҷуворимакка барои дон 59 ҳазору 908 гектар, шолӣ 16 ҳазору 477 гектар ва дигар ғалладонагиҳо 40 ҳазору 690 гектар, сабзавот 24 ҳазору 854 гектар, картошка 1 ҳазору 560 гектар, полизӣ 7 ҳазору 683 гектар, зироатҳои техникӣ 4 ҳазору 69 гектар ва хӯроки чорво 46 ҳазору 138 гектар кишт карда шуд”,- омадааст, дар хабарномаи ин ниҳод.

Ёдовар мешавем, ки дар даҳсолаи кишти такрорӣ дар Тоҷикистон хеле зиёд шудааст. Пешвои миллат муҳтарам Эмомалӣ Раҳмон ҳам дар ҷаласаҳои Ҳукумат ва ҳам маҷлисҳои алоҳида барои самаранок истифода бурдани ҳар як қитъаи замин таъкид мекунанд. Аз ҷумла барои гузаронидани кишти такрорӣ ба масъулини соҳаи кишоварзии мамлакат пайваста супоришҳо медиҳанд.