Вазорати маориф ва илми Ҷумҳурии Тоҷикистон бахшида ба Рӯзи матбуоти тоҷик ду нафар корманди рӯзномаи “Ҷавонони Тоҷикистон” - Беҳрӯз Холмуродов ва Фарзонаи Умаралиро бо Ифтихорномаи Вазорати маориф ва илм ва нишони “Аълочии ифтихории маориф ва илми Тоҷикистон” қадрдонӣ кард.

Беҳрӯз Холмуродов, котиби масъул рӯзнома бо нишони “Аълочии ифтихории маориф ва илми Тоҷикистон” ва Фарзонаи Умаралӣ, муҳаррири шуъбаи иттилоот ва сиёсати рӯзнома бо Ифтихорномаи Вазорати маориф ва илм қадрдонӣ гардиданд.

Нишони мазкурро Хуршед Мавлонов, сардори маркази матбуоти Вазорати маориф ва илми Ҷумҳурии Тоҷикистон дар вазъияти тантанавӣ тақдим намуд.

Номбурда ҳамчунин аҳли эҷоди рӯзномаи “Ҷавонони Тоҷикистон”-ро ба ифтихори Рӯзи матбуот муборакбод гуфта, дар фаъолияти эҷодияшон барору муваффақият таманно намуд.

Сайёраи ҚИЁМИДДИН, “ҶТ”