Ин фестивал аз 23-юм то 27-уми июли соли равон дар шаҳри Бокуи Озорбойҷон баргузор мегардад. Дар он машҳуртарин сарояндагони кишварҳои дунё аз ҷумла Русия, Озарбойҷон, Гурҷистон, Туркия, Канада ва давлатҳои Аврупо иштирок хоҳанд кард.

Тамошобинонро давоми 6 рӯз намоишҳо ва баромадҳои 250 нафар ҳунармандон интизор аст.

Сарояндаи тоҷик Мубориз Усмонов 23 июл дар рӯзи аввали ҷашнвораи байналмилалии мусиқии DREAM FEST 2024 дар қатори овозхонҳои шинохта Ҷейсон Деруло, Иманӣ, гурӯҳи OUTLANDISH ва Ҳунарпешаи мардумии Озарбойҷон Эмин Агаларов (ЭМИН) тарона мехонад.

Мубориз Усмонов 31 сол дошта, нахуст ҳамчун ровии барномаҳои радиоӣ шинохта шудааст. Чанд соли охир ӯ пешаи овозхониро касб карда, сурудҳои гуногунмавӯъ месарояд.
Ӯ соли 2021 дар Душанбе нахустин консерти худро бо номи “Сипос” баргузор карда буд.

Сайёраи ҚИЁМИДДИН, “ҶТ”