27-уми март соати 14:00 бахшида ба Рӯзи байналмилалии театр дар театри давлатии шаҳри Конибодом ба номи Туҳфа Фозилова нахустнамоиши “Садои Қу” дар таҳияи коргардон Авлиёқулӣ Хоҷақулӣ пешкаши дӯстдорони театр карда мешавад. 

Ба таъкиди масъулин намоиши “Садои Қу”- аз рӯи навиштаҳои нависандаҳои сатҳи ҷаҳонӣ, ба монанди А.П. Чехов, Ю. Шекспир, А. Пушкин, Грибоедов, К.Яшин ва Ҳ. Ғулом рӯи саҳна омада, матнҳоро худи коргардон банду баст кардаанд.

Гуфта мешавад, дар намоиши мазкур се ҳунарманди ҷавони театр - Фарҳод Ғаффопур, Фаррух Ваитов ва Ғайратҷон Қодиров нақш меофаранд.