21 май Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Тоҷикистон муҳтарам Рустам Эмомалӣ дар маросими ифтитоҳи Намоишгоҳи рақамӣ таҳти унвони “Риштаҳои анъанаҳо: ҷашни мероси фарҳангии Тоҷикистон” иштирок ва суханронӣ намуданд.

Ба иттилои дафтари матбуоти раиси шаҳр Намоишгоҳи рақамии “Риштаҳои анъанаҳо: ҷашни мероси фарҳангии Тоҷикистон” дар доираи дар намоишгоҳи маъруфи “Artechhouse”-и шаҳри Ню-Йорки ИМА доир гардид ва он дар шакли лоиҳаи интерактивӣ ҷиҳати муаррифии мероси фарҳангии кишвар омода карда шудааст.

Ёдовар мешавем, ки Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератси футболи Тоҷикистон, Президенти Ассотсиатсияи футболи Осиёи Марказӣ (CAFA), муҳтарам Рустам Эмомалӣ бо мақсади иштирок аз таҷлили “Рӯзи ҷаҳонии футбол” дар Маҷмаи Умумии Созмони Милали Муттаҳид аз 20 май дар шаҳри Ню-Йорки Иёлоти Муттаҳидаи Америка қарор доранд.