Имрӯз, 31 январ, дар Маркази матбуоти ҷумҳуриявии “Ховар” нишасти хабарии мақомоти иҷроияи ҳокимияти давлатии шаҳри Душанбе доир гардид.

Маҳмадсаид Зувайдзода, муовини якуми раиси шаҳри Душанбе, зимни нишаст аз дастоварди хонандагони шаҳр дар соли гузашта, изҳори хушнудӣ карда, иброз дошт, ки хонандагони муассисаҳои таълимии пойтахт соли 2018 дар озмуну олимпиадаҳо фаъолона ширкат варзида, сазовори 149 медал дар олимпиадаи ҷумҳуриявӣ ва 213 медал дар олимпиадаҳои байналмилалӣ гардиданд.

Ин дастоварди хонандагонро масъулин натиҷаи рушди соҳаи маорифи кишвар дар зери сиёсати маорифпарваронаи Президенти кишвар муҳтарам Эмомалӣ Раҳмон арзёбӣ намуданд.