ҶАҲОН
Сешанбе 22 Сентябр 2026 01:47
Варзишгари тоҷик Махсатулло Муъминов дар рӯзи аввали мусобиқаҳои Бозиҳои ХХ осиёии Айчи-Нагоя-2026 дар риштаи карате-до WKF дар вазни то 55 килограмм медали биринҷӣ ба даст оварда, аввалин медали Тоҷикистонро дар ин мусобиқаи қитъавӣ соҳиб шуд.
Бозиҳои ХХ осиёӣ аз 19 сентябр то 4 октябр дар Ҷопон баргузор мешаванд ва карате аз ҷумлаи намудҳои расмии барномаи мусобиқа мебошад.
Муъминов мусобиқаи худро дар вазни то 55 килограмм оғоз намуда, то марҳилаи нимфинал расид. Дар чорякфинал ӯ бо варзишгари Қазоқистон Жоламан Бигабил рӯ ба рӯ шуд ва дар ин рақобат бо ҳисоби 0:7 шикаст хӯрд. Бигабил баъдан ба финал роҳ ёфта, медали тиллоро ба даст овард.
Муъминов барои медали биринҷӣ имкони идомаи рақобатро пайдо кард ва дар вохӯрии ҳалкунанда бар намояндаи Индонезия Муҳаммад Тегар Ҷануар бо ҳисоби калони 8:0 пирӯз шуд. Ҳамин натиҷа ба варзишгари тоҷик имкон дод, ки ба зинаи сеюми мусобиқа барояд ва соҳиби нишони биринҷӣ гардад.
Бояд гуфт, ки намояндагони Тоҷикистон дар таърихи Бозиҳои осиёӣ дар ин намуд ду медал ба даст оварда буданд ва ҳар ду нишони биринҷӣ ба Исроил Исмоилов тааллуқ доштанд, ки яке дар Бозиҳои осиёии Хиросима-1994 ва дигаре дар Бозиҳои осиёии Пусан-2002 ба даст омада буданд
Тоҷикистон нахустин бор ҳамчун дастаи мустақил дар Бозиҳои осиёии соли 1994 дар Хиросима иштирок карда, аз ҳамон давра то оғози Бозиҳои осиёӣ-2026 дар маҷмуъ 35 медал-6 тилло, 8 нуқра ва 21 биринҷӣ ба даст оварда буд.
Дар ин таърих шаш медали тиллои Тоҷикистонро варзишгарони чор намуд ба даст овардаанд. Дилшод Назаров дар гурзандозӣ се маротиба қаҳрамони Бозиҳои осиёӣ шудааст, Ҷаҳон Қурбонов дар бокс ду медали тилло дорад ва Сомон Маҳмадбеков дар гӯштини дзюдо соҳиби як нишони тилло мебошад. Дар Бозиҳои осиёии Ҳанчжоу-2022, инчунин, Давлат Болтаев дар бокс қаҳрамони Осиё гардид.
Қобили зикр аст, ки Махсатулло Муъминов чанде пеш аз оғози Бозиҳои осиёӣ низ натиҷаи назаррас ба даст оварда буд: ӯ дар Чемпионати Осиёи WKF миёни наврасон ва варзишгарони то 21-сола дар вазни то 55 килограмм, ки 8–11 сентябр дар Урдун баргузор шуд, қаҳрамони Осиё гардида буд.
Яҳё МАҲМАДНАБИЕВ, “ҶТ”
Бозиҳои ХХ осиёӣ аз 19 сентябр то 4 октябр дар Ҷопон баргузор мешаванд ва карате аз ҷумлаи намудҳои расмии барномаи мусобиқа мебошад.
Муъминов мусобиқаи худро дар вазни то 55 килограмм оғоз намуда, то марҳилаи нимфинал расид. Дар чорякфинал ӯ бо варзишгари Қазоқистон Жоламан Бигабил рӯ ба рӯ шуд ва дар ин рақобат бо ҳисоби 0:7 шикаст хӯрд. Бигабил баъдан ба финал роҳ ёфта, медали тиллоро ба даст овард.
Муъминов барои медали биринҷӣ имкони идомаи рақобатро пайдо кард ва дар вохӯрии ҳалкунанда бар намояндаи Индонезия Муҳаммад Тегар Ҷануар бо ҳисоби калони 8:0 пирӯз шуд. Ҳамин натиҷа ба варзишгари тоҷик имкон дод, ки ба зинаи сеюми мусобиқа барояд ва соҳиби нишони биринҷӣ гардад.
Бояд гуфт, ки намояндагони Тоҷикистон дар таърихи Бозиҳои осиёӣ дар ин намуд ду медал ба даст оварда буданд ва ҳар ду нишони биринҷӣ ба Исроил Исмоилов тааллуқ доштанд, ки яке дар Бозиҳои осиёии Хиросима-1994 ва дигаре дар Бозиҳои осиёии Пусан-2002 ба даст омада буданд
Тоҷикистон нахустин бор ҳамчун дастаи мустақил дар Бозиҳои осиёии соли 1994 дар Хиросима иштирок карда, аз ҳамон давра то оғози Бозиҳои осиёӣ-2026 дар маҷмуъ 35 медал-6 тилло, 8 нуқра ва 21 биринҷӣ ба даст оварда буд.
Дар ин таърих шаш медали тиллои Тоҷикистонро варзишгарони чор намуд ба даст овардаанд. Дилшод Назаров дар гурзандозӣ се маротиба қаҳрамони Бозиҳои осиёӣ шудааст, Ҷаҳон Қурбонов дар бокс ду медали тилло дорад ва Сомон Маҳмадбеков дар гӯштини дзюдо соҳиби як нишони тилло мебошад. Дар Бозиҳои осиёии Ҳанчжоу-2022, инчунин, Давлат Болтаев дар бокс қаҳрамони Осиё гардид.
Қобили зикр аст, ки Махсатулло Муъминов чанде пеш аз оғози Бозиҳои осиёӣ низ натиҷаи назаррас ба даст оварда буд: ӯ дар Чемпионати Осиёи WKF миёни наврасон ва варзишгарони то 21-сола дар вазни то 55 килограмм, ки 8–11 сентябр дар Урдун баргузор шуд, қаҳрамони Осиё гардида буд.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед