Ба варзишгарони тоҷик, ки дар Бозиҳои XX Осиёии Айчи-Нагояи Ҷопон соҳиби медал мегарданд, тибқи тартиби муқарраргардида Ҷоизаи Президенти Ҷумҳурии Тоҷикистон дода мешавад. Ҳаҷми ҷоиза барои медали тилло 150 ҳазор сомонӣ, барои медали нуқра 100 ҳазор сомонӣ ва барои медали биринҷӣ 50 ҳазор сомонӣ муайян шудааст.

Ҳамзамон, барои мураббиёни варзишгарони медалдор низ мукофотпулӣ пешбинӣ гардидааст. Аз ҷумла, ба мураббии барандаи медали тилло 30 ҳазор сомонӣ, медали нуқра 20 ҳазор сомонӣ ва медали биринҷӣ 10 ҳазор сомонӣ дода мешавад.

Бояд гуфт, ки Бозиҳои XX Осиё аз 19 сентябр то 4 октябри соли 2026 дар шаҳрҳои Айчи ва Нагояи Ҷопон баргузор мешаванд. Ба барномаи мусобиқа 42 намуди варзиш ворид гардида, намояндагони 45 давлати қитъаи Осиё барои медалҳо рақобат доранд. Варзишгарони тоҷик дар рӯзҳои аввали мусобиқа аллакай натиҷаҳои назаррас ба даст оварданд. Махсатулло Муъминов дар риштаи карате-до WKF дар вазни то 55 килограмм аввалин медали Тоҷикистонро дар ин Бозиҳо ба даст оварда,

Баъдан намояндагони Тоҷикистон дар риштаи санъати муҳорибаҳои омехта ба хазинаи даста боз се медал ворид карданд. Мирзобек Умаров дар вазни то 60 килограмм аз рӯйи барномаи Modern MMA ва Отабек Раҷабов дар вазни то 65 килограмм аз рӯйи Traditional MMA соҳиби медалҳои тилло шуданд. Беҳрӯз Хуршедзода дар вазни то 71 килограмм аз рӯйи Modern MMA медали нуқра гирифт.


Яҳё МАҲМАДНАБИЕВ, “ҶТ”