Паҳлавони тоҷик Ҷаҳонгир Маҷидов дар Бозиҳои XX Осиё-2026, ки дар шаҳрҳои Айчӣ ва Нагояи Ҷопон идома доранд, дар риштаи ҷудо ба гирифтани медали нуқра мушарраф шуд.

Маҷидов дар вазни то 100 кг дар даври аввал озод буд ва рақобатро аз марҳилаи чорякфинал оғоз кард. Ӯ дар ин давр бар ҷудокори Қирғизистон Даут Полтушев пирӯз шуда, ба нимфинал роҳ ёфт.

Дар нимфинал намояндаи Тоҷикистон бо Ҳан Ҷуёп аз Кореяи Ҷанубӣ рақобат карда, ғалаба ба даст овард ва ба финал роҳ пайдо кард.

Дар рақобати ниҳоӣ Ҷаҳонгир Маҷидов муқобили ҷудокори мизбон Масучи Рётарио (Ҷопон) рақобат намуд. Дар ин сабқат паҳлавони тоҷик натавонист бар рақибаш пирӯз шавад ва бо медали нуқра анҷоми мусобиқа кард.

Яҳё МАҲМАДНАБИЕВ, “ҶТ”