23 сентябри соли ҷорӣ дар шаҳри Монрои иёлоти Луизианаи Амрико мусобиқаи бокси ҳирфавӣ барои дарёфти камарбанди WBC миёни ҷавонон баргузор мегардад. 

Дар он муштзани 21-солаи тоҷик Меҳрубон Сангинов бо варзишгари амрикоӣ Кемероном Буроуҷсом барои унвони қаҳрамони ҷаҳон аз рӯи равияи WBC (“World Boxing Council”) вориди майдон мегардад.

Маврид ба зикр аст, ки 22 июли соли 2017 варзишгари тоҷик Меҳрубон Сангинов дар шаҳри Шарлоттаи иёлоти Каролинаи Амрико Стефен Дерстайни амрикоиро шикаст дода, унвони қаҳрамони ҷаҳонро байни ҷавонон аз рӯи намуди WBB (“World Boxing Board”) ба даст овард, ки ин аввалин дастоварди бузург дар таърихи риштаи бокси кишвар мебошад. 

Шаҳбози АСОМИДДИН, “ҶТ”