21-23 октябр мусобиқаи навбатии сайри ҷаҳонии ҷудо – Гранд Слами Абу Дабӣ баргузор мешавад. Дар ин бора Федератсияи байналмилалии ҷудо иттилоъ додааст.

Ба иттилои манбаъ ҷиҳати иштирок дар мусобиқаи мазкур 417 варзишгар (241 мард, 176 зан) аз 65 давлат номнавис шудаанд. Дастаи мунтахаби ҷудои Тоҷикистонро дар ин мусобиқа 10 нафар – 2 зан ва 8 мард намояндагӣ мекунад ва айни замон онҳо ба Аморати Муттаҳидаи Араб сафарбар гардиданд. Аз бонувон дар ин мусобиқа Шоҳида Қаландарова дар вазни то 57кг ва Мавлуда Одинаева дар вазни то 63кг ҳунарнамоӣ мекунанд. Аз миёни мардон бошад инҳо иштирокчии мусобиқаанд:

-60кг – Муслимбек КАРИМОВ
-66кг – Шаҳбоз САИДАБРОРОВ
-73кг – Муҳаммадшариф НАҶМИДДИНОВ
-81кг – Шодмон РИЗОЕВ
-90кг – Комроншоҳ УСТОПИРИЁН
-90кг – Ҷаҳонгир МАҶИДОВ
-100кг – Абубакри АКОБИР
+100кг – Темур РАҲИМОВ

Қайд кардан ба маврид аст, ки рӯзи аввал қувваозмоиҳо дар вазнҳои -60кг, -66кг миёни мардон, -48кг, -52кг, -57кг миёни бонувон, рӯзи дуюм дар вазнҳои -73кг, -81кг миёни мардҳо, -63кг, -70кг миёни бонувон, рӯзи сеюм дар вазнҳои -90кг, -100кг, +100кг миёни мардҳо, -78кг, +78кг миёни бонувон сурат мегирад.

Ғолибону ҷоизадорони мусобиқаи мазкур бо медал ва ҷоизапулӣ қадрдонӣ мешаванд. Барандагони медали тилло 5000, барандагони медали нуқра 3000 ва барандагони медали биринҷӣ 1500 евро дарёфт мекунанд.