7 май дар шаҳри Бохтар мусобиқаи кушоди шаҳрӣ оид ба гӯштини ҷудо миёни наврасону ҷавонони солҳои таваллуди 2012–2013 барои дарёфти “Ҷоми раиси шаҳри Бохтар” бо иштироки васеи дӯстдорони варзиш баргузор гардид.

Дар маросими ифтитоҳи мусобиқа раиси шаҳри Бохтар Абдулмаҷид Муминзод, сардори Раёсати кор бо ҷавонон ва варзиши вилояти Хатлон Насриддинзода Рамазон, намояндагони мақомоти маҳаллӣ, собиқадорони соҳаи варзиш ва шумораи зиёди мухлисону варзишгарон иштирок намуданд.

Дар доираи чорабинӣ паҳлавонони маъруфи тоҷик, аз ҷумла Темур Раҳимов ва Набимуҳаммад Хоркашов барои саҳми назаррас дар рушди варзиш, тарғиби тарзи ҳаёти солим ва муаррифии Тоҷикистон дар мусобиқоти байналмилалӣ бо сипоснома ва туҳфаҳои хотиравӣ қадрдонӣ шуданд.

Дар охир варзишгарони ғолибгардида бо Ҷом, медал ва дипломҳо қадрдонӣ шуданд.

Яҳё МАҲМАДНАБИЕВ, “ҶТ”