ҶОМЕА
Душанбе 16 Ноябр 2026 12:45
Варзиш дар ҷомеаи муосир баробари воситаи таҳкими саломатии аҳолӣ ва тарғиби тарзи ҳаёти солим будан, инчунин, аз самтҳои муҳими сиёсати иҷтимоии давлат, тарбияи насли ҷавон, таҳкими худшиносии миллӣ ва муаррифии давлат дар арсаи байналмилалӣ ба ҳисоб меравад. Дар Ҷумҳурии Тоҷикистон низ рушди соҳаи тарбияи ҷисмонӣ ва варзиш дар маркази таваҷҷуҳи давлату Ҳукумат қарор дошта, тайи солҳои соҳибистиқлолӣ барои ташаккули инфрасохтори муосири варзишӣ, дастгирии варзишгарон ва фароҳам овардани шароити мусоиди тамрин тадбирҳои зиёд амалӣ гардиданд.
Дар ин замина, Рӯзи Президенти Ҷумҳурии Тоҷикистон, ки ҳамасола 16 ноябр таҷлил мешавад, имконият фароҳам меорад, ки дар баробари дигар самтҳои ҳаёти ҷомеа ба раванди рушди соҳаи варзиш, иқдомҳои созанда ва дастгирии варзишгарон дар давраи охир низ таваҷҷуҳ зоҳир карда шавад.
Яке аз самтҳои муҳими сиёсати давлатӣ дар соҳаи варзиш бунёду навсозии иншооти варзишӣ ва фароҳам овардани имкониятҳои баробар барои машқу тамрини наврасону ҷавонон дар тамоми минтақаҳои мамлакат мебошад. Дар ин раванд, иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ифтитоҳи иншооти варзишӣ ва шиносоӣ бо раванди корҳои сохтмонӣ аз аҳаммияти ин соҳа дар сиёсати иҷтимоии кишвар шаҳодат медиҳад.
Яке аз рӯйдодҳои муҳими соҳаи варзиш дар соли 2026 ба истифода додани Варзишгоҳи миллии нав дар шаҳри Душанбе мебошад. 21 августи соли 2026 Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар маросими ифтитоҳи иншооти мазкур иштирок намуданд.
Варзишгоҳи миллӣ дар масоҳати 9,5 гектар бунёд гардида, дорои беш аз 30 ҳазор ҷойи нишаст мебошад. Иншоот мутобиқи талаботи стандартҳои байналмилалии Федератсияи байналмилалии футбол (ФИФА) сохта шуда, ба категорияи дуюми байналмилалӣ дохил мегардад. Чунин имкониятҳо барои баргузории мусобиқаҳои сатҳи байналмилалӣ, бозиҳои дастаҳои мунтахаби кишвар ва рушди минбаъдаи футболи тоҷик заминаи мусоид фароҳам меоранд.
Ба истифода додани чунин иншооти бузург натанҳо барои рушди футболи кишвар, балки барои таҳкими имкониятҳои Тоҷикистон дар баргузории чорабиниҳои байналмилалии варзишӣ аҳаммияти муҳим дорад. Ҳамзамон, мавҷудияти инфрасохтори ҷавобгӯ ба меъёрҳои байналмилалӣ метавонад барои баланд бардоштани сатҳи омодагии футболбозон ва ҷалби бештари наврасону ҷавонон ба ин намуди варзиш мусоидат намояд.
Иқдоми дигари муҳим дар ин самт 23 июни соли 2026 дар ноҳияи Варзоб ба истифода додани Маркази техникии Федератсияи футболи Тоҷикистон мебошад. Дар маросими ифтитоҳи он Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ иштирок намуданд.
Маркази мазкур дар қитъаи замини дорои масоҳати умумии 62 ҳазор метри мураббаъ бунёд гардида, барои рушди ҳамаҷонибаи футболи мамлакат пешбинӣ шудааст. Дар ҳудуди он бинои асосӣ, ду майдони тамринӣ бо сабзаи табиӣ ва сунъӣ, майдонҳои футбол, корти теннис ва майдони машқҳои гимнастикӣ ҷойгир шудаанд. Ҳамчунин, инфрасохтори маҷмаа дорои манежи варзишӣ, ҳавзи шиноварии пӯшида, толори фитнес ва дигар иншооти ёрирасон мебошад.
Муҳим он аст, ки фаъолияти марказ танҳо ба омодасозии футболбозони касбӣ маҳдуд намешавад. Он барои такмили ихтисоси мураббиён, доварон ва мутахассисони соҳа, рушди футболи кӯдакону наврасон, ҷавонон, бонувон ва дастаҳои касбӣ низ имконият фароҳам меорад. Иншоот бо дастгирии техникӣ ва молиявии ФИФА, Конфедератсияи футболи Осиё ва шарикони дохилӣ бунёд гардида, дар он 50 ҷойи кори доимӣ муҳайё шудааст.
Ифтитоҳи чунин марказҳо аз он шаҳодат медиҳад, ки рушди варзиш танҳо бо сохтани майдонҳои бозӣ маҳдуд намешавад, балки омодасозии мутахассисон, такмили низоми таълимӣ ва фароҳам овардани шароити касбии тамрин низ аз самтҳои муҳим ба шумор мераванд.
Дар баробари пойтахт, ба рушди инфрасохтори варзишӣ дар шаҳру ноҳияҳои мамлакат низ таваҷҷуҳ зоҳир мегардад. Аз ҷумла, 20 июни соли 2026 дар ноҳияи Ховалинг Маҷмааи нави варзишӣ дар деҳаи Дараи Мухтор ба таври фосилавӣ мавриди истифода қарор дода шуд. Иншооти мазкур бо ташаббус ва маблағгузории соҳибкори ватанӣ Абдулло Ҳасанов бунёд гардида, дорои толорҳои варзишӣ, майдончаи футбол, ҳавзи шиноварӣ ва дигар шароити зарурӣ мебошад. Ифтитоҳи он дар доираи сафари кории Президенти Ҷумҳурии Тоҷикистон ба ноҳияи Ховалинг сурат гирифт.
Инчунин, 25 июни соли 2025 дар деҳаи Убари Даргови ноҳияи Ванҷ бо иштироки Сарвари давлат толори нави варзишӣ ба истифода дода шуда буд. Иншоот дар масоҳати 615 метри мураббаъ бунёд гардида, толори асосии варзишӣ, толори тенниси рӯи миз, ҳуҷраҳои маъмурӣ ва дигар шароити заруриро дар бар мегирад. Ин гуна иншоот дар маҳалҳо барои ҷалби наврасону ҷавонон ба машқу тамрин ва ташаккули тарзи ҳаёти солим замина мегузоранд.
Дар маҷмуъ, тибқи маълумоти оморӣ, то 1 январи соли 2026 дар шаҳру ноҳияҳои мамлакат 11 ҳазору 280 иншооти варзишӣ, новобаста аз шакли моликият, ба қайд гирифта шудааст. Аз ин шумора 129 варзишгоҳ, 7861 майдончаи варзишӣ, 2321 толори варзишӣ, 107 ҳавзи шиноварӣ, 91 маҷмааи варзишӣ ва маркази солимгардонӣ ва 771 иншооти махсуси варзишӣ мебошанд. Ин нишондиҳандаҳо аз густариши имкониятҳои инфрасохторӣ барои машқу тамрини аҳолӣ шаҳодат медиҳанд.
Самти дигари муҳимми сиёсати давлатӣ дастгирии моддию маънавии варзишгарон ва мураббиёне мебошад, ки дар мусобиқаҳои сатҳи байналмилалӣ шарафи Тоҷикистонро ҳимоя мекунанд. Дар ин замина, Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалӣ ҳамчун яке аз воситаҳои ҳавасмандгардонии варзишгарон нақши муҳим дорад.
18 феврали соли 2026 дар шаҳри Душанбе маросими ҷоизасупории соҳаи тарбияи ҷисмонӣ ва варзиш баргузор гардид. Дар он ба 67 нафар варзишгарону мураббиёне, ки дар мусобиқаҳои байналмилалӣ натиҷаҳои назаррас ба даст овардаанд, Ҷоизаи Президенти Ҷумҳурии Тоҷикистон дар ҳаҷми умумии 2 миллиону 40 ҳазор сомонӣ тақдим карда шуд.
Тибқи иттилои расмӣ, маблағгузории мазкур аз ҳисоби Фонди захиравии Президенти Ҷумҳурии Тоҷикистон таъмин гардидааст. Ҳаҷми мукофотпулӣ барои як варзишгар вобаста ба натиҷаи бадастоварда то 150 ҳазор сомониро ташкил медиҳад. Ҷоиза ба намояндагони намудҳои гуногуни варзиш, аз ҷумла, ҷудо, гӯштини тарзи озод, гӯштини юнонӣ-румӣ, бокс, қаиқронӣ, таэквондо, самбо ва кикбоксинг пешбинӣ шудааст.
Аҳаммияти чунин иқдом дар он аст, ки дастгирии варзишгарон танҳо ба қадрдонии натиҷаҳои аллакай бадастомада маҳдуд намешавад, балки барои ҳавасмандгардонии онҳо ба фаъолияти минбаъдаи касбӣ, баланд бардоштани масъулият ва талош баҳри ба даст овардани натиҷаҳои нав низ мусоидат мекунад. Ҳамзамон, қадршиносии меҳнати мураббиён низ муҳим аст, зеро омодасозии варзишгари сатҳи байналмилалӣ заҳмати пайвастаи мутахассисонро тақозо менамояд.
Натиҷаҳои варзишгарони тоҷик дар соли 2025 низ нишон медиҳанд, ки ин соҳа бо дастовардҳои назаррас пеш меравад. Тибқи маълумоти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, варзишгарони кишвар дар мусобиқаҳои байналмилалӣ дар маҷмуъ 510 медал, аз ҷумла, 140 медали тилло, 166 медали нуқра ва 204 медали биринҷӣ ба даст оварданд. Ин нишондиҳанда нисбат ба соли 2024-ум 62 медал зиёд мебошад.
Дар ҳамин давра 1540 варзишгар, аз ҷумла 450 зану духтар, дар ҳайати дастаҳои мунтахаби мамлакат аз рӯйи намудҳои олимпӣ ва ғайриолимпӣ дар 112 мусобиқаи байналмилалӣ иштирок карданд. Дар натиҷаи ин дастовардҳо Парчами давлатии Ҷумҳурии Тоҷикистон 510 маротиба дар мусобиқаҳои байналмилалӣ баланд бардошта шуда, Суруди миллии кишвар 140 маротиба садо дод.
Ин рақамҳо аз иштироки фаъолонаи варзишгарони тоҷик дар мусобиқаҳои байналмилалӣ ва саҳми онҳо дар муаррифии давлату миллат шаҳодат медиҳанд. Ҳамзамон, натиҷаҳои бадастомада зарурати идомаи дастгирии варзишгарон, тақвияти заминаи моддию техникии мактабҳои варзишӣ ва беҳтар намудани шароити омодагӣ ба мусобиқаҳои сатҳи баландро тақозо менамоянд.
Дар ин раванд, оммавигардонии варзиш ва ҷалби бештари аҳолӣ, бахусус наврасону ҷавонон ва бонувон ба машқу тамрин низ аҳаммияти хос дорад. Зеро дастовардҳои варзишгарони касбӣ дар сатҳи байналмилалӣ аз заминаи фарогири варзишӣ, фаъолияти мактабҳои махсус, заҳмати мураббиён ва дастрасии ҷавонон ба иншооти зарурӣ вобастагии зич доранд.
Бо ҳамин мақсад, бунёди майдончаҳои варзишӣ дар маҳаллаҳо, таъсиси толорҳои замонавӣ дар шаҳру ноҳияҳо, рушди мактабҳои варзишӣ ва фароҳам овардани шароити муносиб барои тамрини духтарону писарон бояд ҳамчун ҷузъи муҳими сиёсати иҷтимоӣ идома ёбад. Дар баробари ин, истифодаи самараноки иншооти сохташуда, нигоҳдории онҳо ва ҷалби мутахассисони соҳибтаҷриба барои таъмини фаъолияти босифати ин марказҳо муҳим мебошад.
Дар маҷмуъ, иқдомҳои солҳои охир дар соҳаи тарбияи ҷисмонӣ ва варзиш, аз ҷумла, бунёди иншооти бузурги варзишӣ, таъсиси марказҳои махсуси омодасозии варзишгарон, ҷудо намудани маблағҳои ҳавасмандгардонӣ ва қадршиносии дастовардҳои байналмилалӣ нишон медиҳанд, ки ин соҳа дар низоми афзалиятҳои иҷтимоии давлат мавқеи муҳим дорад.
Рӯзи Президенти Ҷумҳурии Тоҷикистон дар баробари гиромидошти арзишҳои давлатдорӣ ва ёдоварӣ аз марҳилаҳои муҳими таърихи давлатдории навини тоҷикон, инчунин фурсатест барои баррасии натиҷаҳои татбиқи сиёсати давлатӣ дар бахшҳои гуногуни ҳаёти ҷомеа. Дар соҳаи варзиш бошад, муҳимтарин нишондиҳандаи самаранокии иқдомҳо на танҳо шумораи иншооти сохташуда ё маблағҳои ҷудогардида, балки истифодаи мақсадноки онҳо, фароҳам овардани шароити мусоид барои насли ҷавон ва омодасозии варзишгарони рақобатпазир мебошад.
Ҳадафи ниҳоии чунин тадбирҳо ташаккули ҷомеаи солим, тарбияи ҷавонони ҷисман обутобёфта, баланд бардоштани маҳорати касбии варзишгарон ва тақвияти нуфузи Тоҷикистон дар арсаи байналмилалӣ мебошад. Аз ин рӯ, идомаи дастгирии соҳаи варзиш, рушди инфрасохтор ва фароҳам овардани шароити баробар барои машқу тамрин дар тамоми минтақаҳои кишвар аз вазифаҳои муҳими марҳилаи минбаъдаи рушди ин соҳа ба ҳисоб меравад.
Яҳё МАҲМАДНАБИЕВ, “ҶТ”
Дар ин замина, Рӯзи Президенти Ҷумҳурии Тоҷикистон, ки ҳамасола 16 ноябр таҷлил мешавад, имконият фароҳам меорад, ки дар баробари дигар самтҳои ҳаёти ҷомеа ба раванди рушди соҳаи варзиш, иқдомҳои созанда ва дастгирии варзишгарон дар давраи охир низ таваҷҷуҳ зоҳир карда шавад.
Яке аз самтҳои муҳими сиёсати давлатӣ дар соҳаи варзиш бунёду навсозии иншооти варзишӣ ва фароҳам овардани имкониятҳои баробар барои машқу тамрини наврасону ҷавонон дар тамоми минтақаҳои мамлакат мебошад. Дар ин раванд, иштироки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар ифтитоҳи иншооти варзишӣ ва шиносоӣ бо раванди корҳои сохтмонӣ аз аҳаммияти ин соҳа дар сиёсати иҷтимоии кишвар шаҳодат медиҳад.
Яке аз рӯйдодҳои муҳими соҳаи варзиш дар соли 2026 ба истифода додани Варзишгоҳи миллии нав дар шаҳри Душанбе мебошад. 21 августи соли 2026 Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар маросими ифтитоҳи иншооти мазкур иштирок намуданд.
Варзишгоҳи миллӣ дар масоҳати 9,5 гектар бунёд гардида, дорои беш аз 30 ҳазор ҷойи нишаст мебошад. Иншоот мутобиқи талаботи стандартҳои байналмилалии Федератсияи байналмилалии футбол (ФИФА) сохта шуда, ба категорияи дуюми байналмилалӣ дохил мегардад. Чунин имкониятҳо барои баргузории мусобиқаҳои сатҳи байналмилалӣ, бозиҳои дастаҳои мунтахаби кишвар ва рушди минбаъдаи футболи тоҷик заминаи мусоид фароҳам меоранд.
Ба истифода додани чунин иншооти бузург натанҳо барои рушди футболи кишвар, балки барои таҳкими имкониятҳои Тоҷикистон дар баргузории чорабиниҳои байналмилалии варзишӣ аҳаммияти муҳим дорад. Ҳамзамон, мавҷудияти инфрасохтори ҷавобгӯ ба меъёрҳои байналмилалӣ метавонад барои баланд бардоштани сатҳи омодагии футболбозон ва ҷалби бештари наврасону ҷавонон ба ин намуди варзиш мусоидат намояд.
Иқдоми дигари муҳим дар ин самт 23 июни соли 2026 дар ноҳияи Варзоб ба истифода додани Маркази техникии Федератсияи футболи Тоҷикистон мебошад. Дар маросими ифтитоҳи он Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ иштирок намуданд.
Маркази мазкур дар қитъаи замини дорои масоҳати умумии 62 ҳазор метри мураббаъ бунёд гардида, барои рушди ҳамаҷонибаи футболи мамлакат пешбинӣ шудааст. Дар ҳудуди он бинои асосӣ, ду майдони тамринӣ бо сабзаи табиӣ ва сунъӣ, майдонҳои футбол, корти теннис ва майдони машқҳои гимнастикӣ ҷойгир шудаанд. Ҳамчунин, инфрасохтори маҷмаа дорои манежи варзишӣ, ҳавзи шиноварии пӯшида, толори фитнес ва дигар иншооти ёрирасон мебошад.
Муҳим он аст, ки фаъолияти марказ танҳо ба омодасозии футболбозони касбӣ маҳдуд намешавад. Он барои такмили ихтисоси мураббиён, доварон ва мутахассисони соҳа, рушди футболи кӯдакону наврасон, ҷавонон, бонувон ва дастаҳои касбӣ низ имконият фароҳам меорад. Иншоот бо дастгирии техникӣ ва молиявии ФИФА, Конфедератсияи футболи Осиё ва шарикони дохилӣ бунёд гардида, дар он 50 ҷойи кори доимӣ муҳайё шудааст.
Ифтитоҳи чунин марказҳо аз он шаҳодат медиҳад, ки рушди варзиш танҳо бо сохтани майдонҳои бозӣ маҳдуд намешавад, балки омодасозии мутахассисон, такмили низоми таълимӣ ва фароҳам овардани шароити касбии тамрин низ аз самтҳои муҳим ба шумор мераванд.
Дар баробари пойтахт, ба рушди инфрасохтори варзишӣ дар шаҳру ноҳияҳои мамлакат низ таваҷҷуҳ зоҳир мегардад. Аз ҷумла, 20 июни соли 2026 дар ноҳияи Ховалинг Маҷмааи нави варзишӣ дар деҳаи Дараи Мухтор ба таври фосилавӣ мавриди истифода қарор дода шуд. Иншооти мазкур бо ташаббус ва маблағгузории соҳибкори ватанӣ Абдулло Ҳасанов бунёд гардида, дорои толорҳои варзишӣ, майдончаи футбол, ҳавзи шиноварӣ ва дигар шароити зарурӣ мебошад. Ифтитоҳи он дар доираи сафари кории Президенти Ҷумҳурии Тоҷикистон ба ноҳияи Ховалинг сурат гирифт.
Инчунин, 25 июни соли 2025 дар деҳаи Убари Даргови ноҳияи Ванҷ бо иштироки Сарвари давлат толори нави варзишӣ ба истифода дода шуда буд. Иншоот дар масоҳати 615 метри мураббаъ бунёд гардида, толори асосии варзишӣ, толори тенниси рӯи миз, ҳуҷраҳои маъмурӣ ва дигар шароити заруриро дар бар мегирад. Ин гуна иншоот дар маҳалҳо барои ҷалби наврасону ҷавонон ба машқу тамрин ва ташаккули тарзи ҳаёти солим замина мегузоранд.
Дар маҷмуъ, тибқи маълумоти оморӣ, то 1 январи соли 2026 дар шаҳру ноҳияҳои мамлакат 11 ҳазору 280 иншооти варзишӣ, новобаста аз шакли моликият, ба қайд гирифта шудааст. Аз ин шумора 129 варзишгоҳ, 7861 майдончаи варзишӣ, 2321 толори варзишӣ, 107 ҳавзи шиноварӣ, 91 маҷмааи варзишӣ ва маркази солимгардонӣ ва 771 иншооти махсуси варзишӣ мебошанд. Ин нишондиҳандаҳо аз густариши имкониятҳои инфрасохторӣ барои машқу тамрини аҳолӣ шаҳодат медиҳанд.
Самти дигари муҳимми сиёсати давлатӣ дастгирии моддию маънавии варзишгарон ва мураббиёне мебошад, ки дар мусобиқаҳои сатҳи байналмилалӣ шарафи Тоҷикистонро ҳимоя мекунанд. Дар ин замина, Ҷоизаи Президенти Ҷумҳурии Тоҷикистон ба ғолибон ва ҷоизадорони мусобиқаҳои байналмилалӣ ҳамчун яке аз воситаҳои ҳавасмандгардонии варзишгарон нақши муҳим дорад.
18 феврали соли 2026 дар шаҳри Душанбе маросими ҷоизасупории соҳаи тарбияи ҷисмонӣ ва варзиш баргузор гардид. Дар он ба 67 нафар варзишгарону мураббиёне, ки дар мусобиқаҳои байналмилалӣ натиҷаҳои назаррас ба даст овардаанд, Ҷоизаи Президенти Ҷумҳурии Тоҷикистон дар ҳаҷми умумии 2 миллиону 40 ҳазор сомонӣ тақдим карда шуд.
Тибқи иттилои расмӣ, маблағгузории мазкур аз ҳисоби Фонди захиравии Президенти Ҷумҳурии Тоҷикистон таъмин гардидааст. Ҳаҷми мукофотпулӣ барои як варзишгар вобаста ба натиҷаи бадастоварда то 150 ҳазор сомониро ташкил медиҳад. Ҷоиза ба намояндагони намудҳои гуногуни варзиш, аз ҷумла, ҷудо, гӯштини тарзи озод, гӯштини юнонӣ-румӣ, бокс, қаиқронӣ, таэквондо, самбо ва кикбоксинг пешбинӣ шудааст.
Аҳаммияти чунин иқдом дар он аст, ки дастгирии варзишгарон танҳо ба қадрдонии натиҷаҳои аллакай бадастомада маҳдуд намешавад, балки барои ҳавасмандгардонии онҳо ба фаъолияти минбаъдаи касбӣ, баланд бардоштани масъулият ва талош баҳри ба даст овардани натиҷаҳои нав низ мусоидат мекунад. Ҳамзамон, қадршиносии меҳнати мураббиён низ муҳим аст, зеро омодасозии варзишгари сатҳи байналмилалӣ заҳмати пайвастаи мутахассисонро тақозо менамояд.
Натиҷаҳои варзишгарони тоҷик дар соли 2025 низ нишон медиҳанд, ки ин соҳа бо дастовардҳои назаррас пеш меравад. Тибқи маълумоти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, варзишгарони кишвар дар мусобиқаҳои байналмилалӣ дар маҷмуъ 510 медал, аз ҷумла, 140 медали тилло, 166 медали нуқра ва 204 медали биринҷӣ ба даст оварданд. Ин нишондиҳанда нисбат ба соли 2024-ум 62 медал зиёд мебошад.
Дар ҳамин давра 1540 варзишгар, аз ҷумла 450 зану духтар, дар ҳайати дастаҳои мунтахаби мамлакат аз рӯйи намудҳои олимпӣ ва ғайриолимпӣ дар 112 мусобиқаи байналмилалӣ иштирок карданд. Дар натиҷаи ин дастовардҳо Парчами давлатии Ҷумҳурии Тоҷикистон 510 маротиба дар мусобиқаҳои байналмилалӣ баланд бардошта шуда, Суруди миллии кишвар 140 маротиба садо дод.
Ин рақамҳо аз иштироки фаъолонаи варзишгарони тоҷик дар мусобиқаҳои байналмилалӣ ва саҳми онҳо дар муаррифии давлату миллат шаҳодат медиҳанд. Ҳамзамон, натиҷаҳои бадастомада зарурати идомаи дастгирии варзишгарон, тақвияти заминаи моддию техникии мактабҳои варзишӣ ва беҳтар намудани шароити омодагӣ ба мусобиқаҳои сатҳи баландро тақозо менамоянд.
Дар ин раванд, оммавигардонии варзиш ва ҷалби бештари аҳолӣ, бахусус наврасону ҷавонон ва бонувон ба машқу тамрин низ аҳаммияти хос дорад. Зеро дастовардҳои варзишгарони касбӣ дар сатҳи байналмилалӣ аз заминаи фарогири варзишӣ, фаъолияти мактабҳои махсус, заҳмати мураббиён ва дастрасии ҷавонон ба иншооти зарурӣ вобастагии зич доранд.
Бо ҳамин мақсад, бунёди майдончаҳои варзишӣ дар маҳаллаҳо, таъсиси толорҳои замонавӣ дар шаҳру ноҳияҳо, рушди мактабҳои варзишӣ ва фароҳам овардани шароити муносиб барои тамрини духтарону писарон бояд ҳамчун ҷузъи муҳими сиёсати иҷтимоӣ идома ёбад. Дар баробари ин, истифодаи самараноки иншооти сохташуда, нигоҳдории онҳо ва ҷалби мутахассисони соҳибтаҷриба барои таъмини фаъолияти босифати ин марказҳо муҳим мебошад.
Дар маҷмуъ, иқдомҳои солҳои охир дар соҳаи тарбияи ҷисмонӣ ва варзиш, аз ҷумла, бунёди иншооти бузурги варзишӣ, таъсиси марказҳои махсуси омодасозии варзишгарон, ҷудо намудани маблағҳои ҳавасмандгардонӣ ва қадршиносии дастовардҳои байналмилалӣ нишон медиҳанд, ки ин соҳа дар низоми афзалиятҳои иҷтимоии давлат мавқеи муҳим дорад.
Рӯзи Президенти Ҷумҳурии Тоҷикистон дар баробари гиромидошти арзишҳои давлатдорӣ ва ёдоварӣ аз марҳилаҳои муҳими таърихи давлатдории навини тоҷикон, инчунин фурсатест барои баррасии натиҷаҳои татбиқи сиёсати давлатӣ дар бахшҳои гуногуни ҳаёти ҷомеа. Дар соҳаи варзиш бошад, муҳимтарин нишондиҳандаи самаранокии иқдомҳо на танҳо шумораи иншооти сохташуда ё маблағҳои ҷудогардида, балки истифодаи мақсадноки онҳо, фароҳам овардани шароити мусоид барои насли ҷавон ва омодасозии варзишгарони рақобатпазир мебошад.
Ҳадафи ниҳоии чунин тадбирҳо ташаккули ҷомеаи солим, тарбияи ҷавонони ҷисман обутобёфта, баланд бардоштани маҳорати касбии варзишгарон ва тақвияти нуфузи Тоҷикистон дар арсаи байналмилалӣ мебошад. Аз ин рӯ, идомаи дастгирии соҳаи варзиш, рушди инфрасохтор ва фароҳам овардани шароити баробар барои машқу тамрин дар тамоми минтақаҳои кишвар аз вазифаҳои муҳими марҳилаи минбаъдаи рушди ин соҳа ба ҳисоб меравад.
Яҳё МАҲМАДНАБИЕВ, “ҶТ”














Эзоҳи худро нависед