Яке аз самтхои афзалиятноки фаъолияти Хадамоти иҷро ин ситониши маблағи алимент ба манфиати модару кӯдак мебошад.

Дар ин хусус 17 июл Аҳтам Абдуллозода, сардори Хадамоти иҷро зимни нишасти матбуотӣ иттилоъ дод.

- Бо андешидани маҷмӯи чораҳои қонунӣ дар доираи 95 917 адад истеҳсолоти самти алимент 106 563 594 сомонӣ ба манфиати модару кӯдак ситонида шудааст, ки ин нишондиҳанда нисбат ба ҳамин давраи соли гузашта 49 234 004 сомонӣ зиёд мебошад, - гуфт сардори Хадамоти иҷро.

Таъкид гардид, нисбати қарздороне, ки аз супоридани алимент саркашӣ менамоянд, чораҳои қонунӣ андешида мешаванд. Бинобар барқасдона саркашӣ намудани қарздорон аз пардохти маблағи алимент аз ҷониби иҷрочиён нисбати 237 (2025- 378) нафар барои чораҷӯӣ ба мақомоти прокуратура пешниҳодҳо ирсол карда шудааст. Аз ин теъдод нисбати 89 (2025- 378) нафар қарздорон тибқи талаботи моддаи 177 Кодекси ҷиноятии Ҷумҳурии Тоҷикистон парвандаҳои ҷиноятӣ оғоз гардидааст.

Ба иттилои Аҳтам Абдуллозода аз ҷониби шуъба ва бахшҳои Хадамот дар шаҳру ноҳияҳо нисбати 4 165 нафаре, ки дар самти алимент зиёда аз як моҳ қарздорӣ доранд, мақдудият гузошта шуда, 986 нафар ба Феҳристи ягонаи давлатии қарздорон ворид карда шудаанд.

Ш. АЗИМОВА, “ҶТ”