8 июл дар толори Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар доираи нақшаи чорабиниҳои Кумита дар якҷоягӣ бо Агентии назорати давлатии молиявӣ ва мубориза бо коррупсияи Ҷумҳурии Тоҷикистон чорабинӣ доир гардид.

Дар ин чорабинӣ Шабнам Раҳимзода, муовини аввали раиси Кумитаи кор бо ҷавонон ва варзиш, Ёсуман Акрамзода, муовини сардори Раёсати муқовимат ба коррупсияи Агентии назорати давлатии молиявӣ ва мубориза бо коррупсия, роҳбарият ва кормандони зерсохторҳои Кумита иштирок доштанд.

Дар баромади худ Ёсуман Акрамзода қайд намуд, ки муқовимат ба коррупсия афзалияти олии сиёсии Ҳукумати Ҷумҳурии Тоҷикистон таҳти роҳбарии Пешвои миллат, Президенти мамлакат муҳтарам Эмомалӣ Раҳмон мебошад.

Ӯ зикр намуд, ки Сарвари давлат пайваста таъкид менамоянд, ки коррупсия ҳамчун падидаи номатлуб ба рушди иқтисодӣ халал мерасонад, эътимоди шаҳрвандонро ба давлат коҳиш медиҳад ва асосҳои давлатдориро суст мекунад, аз ин рӯ ҳар яки моро лозим аст, ки дар мубориза бо коррупсия ҷиддӣ муносибат намоем ва ба ин амал даст назанем.

Инчунин, вай дар идомаи суханронии худ ба ҳозирин доир ба Нақшаи чорабиниҳои амалисозии “Стартегияи давлатии муқовимат бо коррупсия дар Ҷумҳурии Тоҷикистон барои давраи то соли 2030 ” барои марҳилаи дуюм солҳои 2026-2030 маълумоти муфассал ва судмандро пешниҳод намуд.

Дар фарҷом аз ҷониби ширкаткунандагон вобаста ба ин стартегия ва нақшаи чорабиниҳо дар ин солҳо суолҳо матраҳ гардида, онҳо ба саволҳои хеш ҷавобҳои қонеъкунандаро пайдо намуданд.

Гулафшон КАРИМОВА, “ҶТ”