Қабули маводҳо ба даври III озмуни ҷумҳуриявии “ТАРАННУМИ ВАТАН” аз 1-уми сентябри соли ҷорӣ ба итмом мерасад ва тамоми маводҳое, ки то санаи мазкур ба унвонии озмун ворид гардидааст, барои баррасӣ ва хулосабарорӣ ба ҳайати ҳакамон пешниҳод карда мешавад.

Барои муайян кардани ғолибон маҳорати шеърхонӣ, бештар мақбул донистани корбарон (лайк) ва тамошо (просмотр) ба назар гирифта шуда, инчунин аз ҳисоби намояндагони Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Агентии инноватсия ва технологияҳои рақамии назди Президенти Ҷумҳурии Тоҷикистон, Иттифоқи нависандагони Тоҷикистон, Иттифоқи рассомон ва дизайнерони Тоҷикистон, Донишкадаи давлатии фарҳанг ва санъати Тоҷикистон ба номи Мирзо Турсунзода, Консерваторияи миллии Тоҷикистон ба номи Талабхӯҷа Сатторов ва Муассисаи давлатии рӯзномаи “Ҷавонони Тоҷикистон” комиссияи махсус ташкил карда мешавад. Инчунин, барои тақаллуб нашудан дар гузоштани лайк аз ҷониби корбарони фейкӣ (ғайривоқеӣ) ва сар назадани норозигӣ миёни иштирокчиён дар комиссия аз ҳисоби мутахассисони IT намоянда ҷалб карда мешавад. Ҳамчунин, сифати наворҳо, танзим ба назар гирифта мешавад.

Ғолибон дар ҳарду номинатсия бо Сипосномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва туҳфаҳои хотиравӣ қадрдонӣ карда мешаванд.

БАРОИ ҶОЙИ 1 – 10 000 сомонӣ (ҳарду номинатсия дар алоҳидагӣ)
БАРОИ 2 ҶОЙИ 2 – 7 000 сомонӣ (ҳарду номинатсия дар алоҳидагӣ)
БАРОИ 3 ҶОЙИ 3 – 3 000 сомонӣ (ҳарду номинатсия дар алоҳидагӣ)

БАРОИ 10 НАФАРИ ФАЪОЛ ҶОЙИ ИФТИХОРӢ ҲАР КАДОМ БА МАБЛАҒИ 1000 СОМОНӢ

Телефон барои тамос: +992 988230391, +992 934747586, +992 97 055 5155