Дар доираи Нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии шаҳри Душанбе бахшида ба 35 - солагии Истиқлоли давлатии Ҷумҳурии Тоҷикистон ва Рӯзи варзишгарони Тоҷикистон аз 7 то 9 августи соли 2026 дар Клуби билярдбозии “Мардон” мусобиқаи ҷумҳуриявӣ оид ба билярд барои дарёфти Ҷоми раиси шаҳри Душанбе баргузор гардид.

Дар мусобиқа беш аз 80 варзишгар аз шаҳру ноҳияҳои гуногуни кишвар иштирок намуда, барои ба даст овардани Ҷоми раиси шаҳри Душанбе ва муайян намудани беҳтарин билярдбозони ҷумҳурӣ рақобат карданд.

Дар натиҷаи рақобатҳои ҷолиб Абдуллоев Бахтовар бо нишон додани маҳорати баланд мақоми аввалро соҳиб шуда, Ҷоми раиси шаҳри Душанберо ба даст овард.

Каримов Ҳасан сазовори ҷойи дуюм гардид. Ҷойҳои сеюмро бошад, Файзуллоев Иззат ва Маҳмудов Беҳрӯз ишғол намуданд.

Ба ғолиб ва ҷоизадорони мусобиқа медал, диплом, ҷом ва туҳфаҳои молиявӣ тақдим карда шуд.

Бино ба гуфтаи масъулон, баргузории чунин мусобиқаҳо ба рушди билярд дар кишвар, дарёфти чеҳраҳои нави варзишӣ ва ҷалби ҷавонон ба намудҳои гуногуни варзиш мусоидат менамояд.

Яҳё МАҲМАДНАБИЕВ, “ҶТ”