Имрӯз - 4 ноябр Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо мақсади анҷом додани сафари расмӣ ба шаҳри Тошканди Ҷумҳурии Ӯбекистон сафар карданд.

Дар фурудгоҳи байналмилалии Тошканд ба номи Ислом Каримов муҳтарам Рустам Эмомалиро муовини якуми Раиси Сенати Олий Маҷлиси Ҷумҳурии Ӯзбекистон, Ҳокими шаҳри Тошканд, Сафири Фавқулодда ва Мухтори Ҷумҳурии Тоҷикистон дар Ҷумҳурии Ӯзбекистон ва дигар намояндагони расмӣ самимона истиқбол гирифтанд.

Тавре аз дафтари матбуоти Маҷлиси миллӣ хабар доданд, дар ин сафар Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.