Дар Ҷаласаи 23-юми Озмуни байналмилалии “Санъати китоб”-и кишварҳои узви Иттиҳоди Давлатҳои Мустақил (ИДМ), ки рӯзҳои 23–24 июли соли 2026 дар шаҳри Мински Ҷумҳурии Белорус баргузор гардид, “Шоҳнома”-и безаволи Абулқосим Фирдавсӣ соҳиби “Шоҳҷоиза” гардидааст.

Дар ин бора Давлат Сафар муовини вазири фарҳанги кишвар иттилоъ медиҳад.

Китоби мазкур бо амри Президенти Ҷумҳурии Тоҷикистон, муҳтарам Эмомалӣ Раҳмон нашр ва ба ҳар хонаводаи тоҷик ройгон дастрас шудааст.

Ёдовар мешавем, ки Озмуни байналмилалии “Санъати китоб” аз соли 2004 инҷониб бо ибтикори Шурои байнидавлатӣ оид ба ҳамкорӣ дар соҳаи матбуоти даврӣ, нашр, савдою тавзеҳи китоб ва умури ноширии Иттиҳоди Давлатҳои Мустақил ва дастгирии Фонди байналмилалии ҳамкории гуманитарӣ, бо иштироки ноширон ва намояндагони кишварҳои аъзо баргузор мегардад. Мақсади озмун дарёфти лоиҳа ва дастовардҳои беҳтарин дар соҳаи табъу нашр ва тарғиби он дар доираи мамлакатҳои ИДМ мебошад.

Душанбе низ соли 2018 мизбони ин озмун буд ва дар он китоби “Донишномаи фарҳанги мардумии тоҷик”, иборат аз 2 ҷилд дар қатори китобҳои Ҷумҳурии Беларус ва Федератсияи Россия сазовори “Шоҳҷоиза” гардида буд.

Сайёраи ҚИЁМИДДИН, “ҶТ”