Эҳдо ба қаҳрамониҳои Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон ба ифтихори Рӯзи Президент ва 25-солагии Иҷлосияи сарнавиштсози Шӯрои Олӣ

Бо ғурури Рустаму азми Сиёвӯшу Курӯш,
Дар набарди Аҳриман монанди Маздо дар хурӯш,
Ҳамчу Кова бо қиёме зидди садҳо мордӯш,
Шаҳди сулҳофар чакондӣ ту ба коми ҷангнӯш.

Пешвои миллати мо,
Раҳнамои миллати мо.
Аз Худои пок ҳастӣ,
Худ атои миллати мо!

Буд Исмоил агар девори шаҳре аз газанд,
Ин туӣ девори миллат, эй шаҳи мардумписанд,
Устувор астӣ, шикастӣ сангари найрангу фанд,
Ҳар гиреҳеро кушод азми азимат банд-банд.

Пешвои миллати мо,
Раҳнамои миллати мо.
Аз Худои пок ҳастӣ,
Худ атои миллати мо!

Баҳри халқат Ваҳдату Сулҳу сафо овардаӣ,
Насли навро дар раҳи худогаҳӣ парвардаӣ.
Хобро аз дида ронда, шомҳову рӯзҳо,
Тоҷикистонро ба заҳматҳо гулгулафшон кардаӣ.

Пешвои миллати мо,
Раҳнамои миллати мо.
Аз Худои пок ҳастӣ,
Худ атои миллати мо!

Муродулло ПОЧОЗОДА, устоди МТД Коллеҷи омӯзгории ноҳияи Мастчоҳ