Имрӯз дар бинои IT-Park Dushanbe Форуми экскурсионӣ ва шиносоӣ аз корхонаҳои саноатии пойтахт таҳти унвони “Нақши ҷавонон дар амалигардонии ҳадафи чоруми миллӣ–саноатикунонии босуръати мамлакат” баргузор гардид.

Форуми мазкур дар доираи “Ҳафтаи илм, технология, инноватсия ва ихтироъкории наврасону ҷавонони шаҳри Душанбе” гузаронида шуда, дар он намояндагони сохторҳои давлатӣ, коршиносон, ҷавонон ва донишҷӯён иштирок намуданд.

Зимни он вобаста ба нақши ҷавонон дар рушди соҳаи саноат, технология ва инноватсия табодули назар сурат гирифта, гуфта шуд, ки ҷалби ҷавонон ба ихтироъкорӣ ва технологияҳои муосир барои расидан ба ҳадафи стратегии мамлакат - саноатикунонии босуръат заминаи мусоид фароҳам меорад.

“ҶТ”