Дар варзишгоҳи марказии ноҳияи Деваштич бахшида ба Рӯзи таъсисёбии Қувваҳои Мусаллаҳи Ҷумҳурии Тоҷикистон мусобиқаи ҳарбӣ-варзишии «Ватанпарвар» баргузор гардид. Дар мусобиқа дастаҳо аз муассисаҳои таълимии ноҳия ширкат варзиданд.

Мақсад аз баргузории мусобиқа баланд бардоштани ҳисси ватандӯстии ҷавонон, тарғибу ташвиқ намудани меҳанпарастӣ, тарбияи ҳарбӣ-ватандӯстӣ, мустаҳкам намудани дӯстӣ байни наврасону ҷавонон, озмоиши қувваи ҷисмонӣ ва омодагии иштирокчиён ба мусобиқаҳои вилоятию ҷумҳуриявӣ буд.

Хонандагон аз рӯйи намудҳои сафороӣ, машқҳои амалӣ аз мудофиаи шаҳрвандӣ, ҳаво додани норинҷак, давидан ба масофа, ҷаҳидан ба дарозӣ, бехатарии зидди сӯхтор ва дигар шартҳо байни ҳамдигар қувваозмоӣ намуданд.

Дар натиҷа ҷои якумро хонандагони МТМУ №43, зинаи дуюмро хонандагони МТМУ №6 ва ҷойи сеюмро хонандагони МТМУ №1 ишғол намуданд. Онҳо бо “Сипоснома”, “Ифтихорнома” ва туҳфаҳои хотиравӣ қадршиносӣ гардиданд. Барои дар сатҳи зарурӣ ба роҳ мондани машғулиятҳои омодагии дифои ҳарбӣ дар муассисаҳои таълимӣ ба омӯзгорони омодагии дифои ҳарбӣ низ “Сипоснома”-ву туҳфаҳои хотиравӣ супорида шуд.