Тибқи нақшаи чорабиниҳои Мақомоти иҷроияи ҳокимияти давлатии вилояти Хатлон ва шаҳри Бохтар бахшида ба Рӯзи ҷавонони Тоҷикистон, бо ибтикори шуъбаи маорифи шаҳр чорабинии бошукуҳи идона таҳти унвони “Шоми ҷавонӣ” баргузор гардид.

Тибқи иттилоъ, дар доираи чорабинӣ ҷамъбасти Фестивали бозиҳои варзишӣ бахшида ба Рӯзи умумиҷаҳонии футбол сурат гирифт.

Дар чорабинии мазкур намояндагони мақомоти иҷроия, кормандони соҳаи маориф, омӯзгорону ҷавонон ва варзишгарони фаъол иштирок намуда, доир ба нақши ҷавонон дар пешрафти ҷомеа, тарғиби тарзи ҳаёти солим ва рушди варзиш ибрози назар карданд.

Ба ғолибон ва иштирокчиёни фаъоли фестивали варзишӣ сипосномаву туҳфаҳои хотиравӣ тақдим карда шуд.
Чорабинӣ бо барномаи ҷолиби фарҳангӣ ба анҷом расид.

“ҶТ”